ملک کے اثاثے ہتھیانے کی کوشش پر کارروائی کریں گے، روس کا یورپی ممالک کو انتباہ

روس نے یورپی ممالک کو خبردار کیا ہے کہ اگر کسی نے اس کے اثاثے ہتھیانے کی کوشش کی تو وہ اس کے خلاف کارروائی کرے گا، اس انتباہ کے بعد کہ یورپی یونین روسی منجمد اثاثوں کی مدد سے یوکرین کے لیے اربوں ڈالر خرچ کرنے کا ارادہ رکھتا ہے۔

روس کے صدر ولادیمیر پوتن کے 2022 میں یوکرین میں فوجی کارروائی کے بعد، امریکہ اور اس کے اتحادیوں نے روس کے مرکزی بینک اور وزارت مالیات کے ساتھ لین دین پر پابندی عائد کر دی تھی اور تقریباً 300 سے 350 ارب ڈالر کے روسی سرکاری اثاثے منجمد کر دیے، جو زیادہ تر یورپی، امریکی اور برطانوی حکومتوں کے بانڈز پر مشتمل ہیں جو یورپی سیکیورٹیز ڈپازٹری میں رکھے گئے تھے۔

رائٹرز کی رپورٹ کے مطابق یورپی کمیشن کی صدر ارسلا وان ڈیر لیں چاہتی ہیں کہ یورپی یونین روسی منجمد اثاثوں کی رقم استعمال کرتے ہوئے یوکرین کی دفاعی ضروریات کے لیے فنڈنگ کا نیا راستہ تلاش کرے۔

پولیٹیکو نے رپورٹ دی کہ یورپی کمیشن روس کے یورپی مرکزی بینک میں موجود نقد جمع شدہ رقم استعمال کرنے کے امکانات پر غور کر رہا ہے، جو روس کے ملکیت والے بانڈز کی مدت پوری ہونے پر یوکرین کے لیے ریپریشن لون کے طور پر استعمال کی جا سکتی ہے۔

روس کے سابق صدر دمتری میدویدیف نے ٹیلیگرام پر لکھا کہ اگر ایسا ہوا تو روس یورپی ممالک کے خلاف کارروائی کرے گا، بشمول برسلز کے یورپی عہدیدار اور وہ ممالک جو ہماری ملکیت ہتھیانے کی کوشش کریں، صدی کے اختتام تک۔

میڈویڈیف نے مزید کہا کہ روس یورپی ممالک کے خلاف تمام ممکنہ طریقوں سے، تمام ممکنہ بین الاقوامی اور قومی عدالتوں میں اور عدالت سے باہر کارروائی کرے گا۔

روس کا کہنا ہے کہ اس کے اثاثوں کی کوئی بھی ضبطی مغرب کی طرف سے چوری کے مترادف ہے اور یہ امریکہ اور یورپ کے بانڈز اور کرنسیوں میں اعتماد کو کمزور کرے گا۔