ایف بی آر کا 42 صنعتوں میں آڈٹ کیلئے 102 سیکٹر ماہرین کی بھرتی کا فیصلہ

وفاقی بورڈ آف ریونیو (ایف بی آر) نے 42 شعبوں/صنعتوں میں 102 سیکٹر/آڈٹ ماہرین کی تعیناتی کا فیصلہ کیا ہے تاکہ ان اہم شعبوں کا فیلڈ آڈٹ کیا جا سکے۔

ایف بی آر نے 42 شعبوں کی فہرست تیار کی ہے جن میں آٹوموٹو سیکٹر، ایوی ایشن، بینکنگ، مشروبات، سیمنٹ، سیرامکس، کیمیکل، کوئلہ، ڈپارٹمنٹل اسٹورز، خوردنی تیل، تعلیم، الیکٹرانکس، فیڈ فرٹیلائزر، آٹے کی چکیاں؛، فوڈ امپورٹر، آئی ٹی، مینوفیکچرنگ، بیٹریز، کاپر مینوفیکچرنگ، موبائل مینوفیکچرنگ، پیپر، چپ بورڈ اور پیکجز مینوفیکچرنگ، پلاسٹک، پولٹری، پاور، رئیل اسٹیٹ، ریستوران اور مارکی، چاول کی ملیں، سروسز، شوگر، چائے، ٹیلی کام، ٹیکسٹائل اور تمباکو شامل ہیں۔

پہلے مرحلے میں ان شعبوں کا فیلڈ آڈٹ کیا جائے گا: آٹوموبائل سیکٹر، ٹیکسٹائل، آئرن اینڈ اسٹیل، آئی پی پیز اور ڈسکو، فارماسیوٹیکل، فائنانس اینڈ انشورنس، بینک، شوگر، کیمیکلز اور فرٹیلائزر، رئیل اسٹیٹ/بلڈرز اینڈ ڈویلپرز، پیٹرولیم، آئل اینڈ لبریکنٹس، سیمنٹ، ٹیلی کمیونیکیشن اور تمباکو۔

آڈٹ مینٹورز اور سیکٹر ماہرین کی کوالٹی کو یقینی بنانے کی ذمہ داری ایچ آر کمپنیوں پر ہوگی، جبکہ ایک سلیکشن کمیٹی قائم کی جائے گی جو متعلقہ ایچ آر کمپنیوں کی جانب سے فراہم کردہ فہرست میں شامل ماہرین کی اہلیت کا جائزہ لے کر ان کا انتخاب کرے گی۔ سلیکشن کا عمل ورچوئل طور پر بھی کیا جا سکتا ہے۔

ایف بی آر نے مزید کہا کہ فیلڈ فارمیشنز کی جانب سے دی گئی ضروریات کے مطابق، پہلے مرحلے کے لیے ترجیحی شعبوں کی فہرست مرتب کی گئی ہے۔

کاپی رائٹ بزنس ریکارڈر، 2025