غزہ کی پٹی میں جمعرات کو اسرائیلی حملوں میں کم از کم 10 فلسطینی شہید ہوگئے، جن میں ایک ہی خاندان کے 5 افراد بھی شامل ہیں۔ فلسطینی محکمہ صحت کے حکام کے مطابق یہ شہادتیں مختلف فضائی حملوں کے نتیجے میں ہوئیں۔
غزہ میں طبی ذرائع نے بتایا کہ علی الصبح اسرائیلی طیاروں نے چار رہائشی اپارٹمنٹس کو نشانہ بنایا، جن میں ایک ہی خاندان کا گھر بھی شامل تھا۔ اس حملے میں 9 افراد شہید جبکہ کم از کم 15 زخمی ہوئے۔
بعد ازاں جمعرات کو ایک اور فضائی حملے میں غزہ سٹی کی الوحدہ اسٹریٹ کے قریب ایک فلسطینی شہید اور متعدد افراد زخمی ہوگئے۔ طبی حکام کے مطابق ان حملوں کے بعد دن بھر میں شہید ہونے والوں کی تعداد کم از کم 10 تک پہنچ گئی۔