ایران کی صنعا پرواز کے معاملے پر یمنی حوثیوں کی سعودی اہداف پر حملوں کی دھمکی
- حوثیوں نے خبردار کیا ہے کہ وہ سعودی عرب کے ہوائی اڈوں اور خشکی و سمندر میں واقع اہم مفادات کو نشانہ بنائیں گے
یمن کے حوثیوں نے جمعہ کو دعویٰ کیا کہ ان کی فورسز نے سعودی عرب کے ”جنگی طیاروں“ کا مقابلہ کیا، جنہوں نے، ان کے بقول ایک ایرانی مسافر طیارے کو صنعاء انٹرنیشنل ایئرپورٹ پر اترنے سے روکنے کی کوشش کی۔ یہ بات حوثیوں کے فوجی ترجمان یحییٰ سریع کے بیان میں کہی گئی ہے۔
یحییٰ سریع نے خبردار کیا کہ اگر سعودی عرب یمن کی فضائی حدود کی خلاف ورزیاں جاری رکھتا ہے تو حوثی ”سعودی عرب کے ہوائی اڈوں اور خشکی و سمندر میں اس کے اہم مفادات“ کو نشانہ بنائیں گے۔
انہوں نے مزید کہا کہ صنعا اور تہران کے درمیان پروازیں کسی بھی ممکنہ نتائج کے باوجود جاری رہیں گی۔
حوثیوں کے زیر انتظام ٹی وی چینل المسیرہ ٹی وی نے اس سے قبل جمعہ کو بتایا تھا کہ ایک ایرانی طیارہ صنعا پہنچا، جس کے ذریعے حوثیوں کے سرکاری وفد کو تہران لے جایا گیا تاکہ وہ ایران کے سابق سپریم لیڈرعلی خامنہ ای کی آخری رسومات میں شرکت کر سکے۔ طیارے میں 200 سے زائد مریض بھی دیگر مسافروں کے ساتھ سوار تھے۔
حوثیوں نے یمن جنگ کے دوران سعودی عرب میں تیل کی تنصیبات اور اہم بنیادی ڈھانچے کو نشانہ بنانے والے حملوں کے ذریعے اپنی میزائل اور ڈرون صلاحیتوں کا مظاہرہ کیا ہے۔
Comments