قطر سے جیت لازمی، بوسنیا سست نہیں بلکہ حملہ آور ہوگا، کوچ بارباریز

بوسنیا اینڈ ہرزیگووینا کے کوچ سرج ہائے بارباریز نے کہا ہے کہ عالمی کپ میں بقا کی جنگ کے لیے وہ قطر کے خلاف میچ میں جارحانہ حکمتِ عملی اپنائیں گے۔

گروپ بی میں کینیڈا سے ڈرا اور سوئٹزرلینڈ سے شکست کے بعد دونوں ٹیموں کے لیے بدھ کا یہ میچ جیتنا لازمی ہے۔

کوچ بارباریز کا کہنا تھا کہ 90 منٹ تک دفاع کرنا ہمارا مقصد نہیں، یہ مقابلہ لمبی ہٹس اور ڈیفنس کا نہیں بلکہ دونوں ٹیمیں جیت کے لیے لڑیں گی۔ سیئٹل میں بڑی تعداد میں موجود بوسنیائی شائقین کی بدولت ٹیم کو بھرپور عوامی حمایت کی امید ہے، تاہم اسٹیڈیم میں قطری مداح بھی بڑی تعداد میں موجود ہوں گے۔ اگرچہ بوسنیا کو فیورٹ مانا جا رہا ہے لیکن کوچ نے خبردار کیا کہ فیفا رینکنگ میں قطر ہم سے بہتر ہے، اس لیے ہمیں محتاط رہنا ہوگا۔