آرمینیا میں انتخابات، امن کوششیں اور روسی اثر و رسوخ مرکزی موضوع

آرمینیا میں اتوار کے روز پارلیمانی انتخابات کے لیے پولنگ ہو رہی ہے، جسے حکومت کی جانب سے آذربائیجان کے ساتھ امن معاہدے کی کوششوں کا اہم امتحان قرار دیا جا رہا ہے، یہ تنازعہ تین سال قبل ہونے والی بڑی فوجی شکست کے بعد مزید سنگین ہوا تھا۔

رائے عامہ کے سروے کے مطابق وزیراعظم نکول پشینیان کی حکمراں سیول کنٹریکٹ پارٹی کو تقریباً 32 فیصد حمایت حاصل ہے، جبکہ روس نواز اسٹرونگ آرمینیا پارٹی 11 فیصد کے ساتھ دوسرے نمبر پر ہے۔

نکول پشینیان 2018 میں اقتدار میں آنے کے بعد سے آرمینیا کو روس کے بجائے مغرب کے قریب لے آئے ہیں، جس پر ماسکو کی ناراضی بھی سامنے آئی ہے۔ ان کے دور میں فی کس آمدن میں بھی نمایاں اضافہ ہوا ہے۔

حکومت کی جانب سے آذربائیجان کے ساتھ امن عمل کو انتخابی مہم کا مرکزی نکتہ بنایا گیا ہے، خاص طور پر گزشتہ سال وائٹ ہاؤس میں ہونے والے معاہدے کے بعد۔

دوسری جانب اپوزیشن جماعتیں پشینیان پر آذربائیجان کے سامنے جھکنے اور کمزور پالیسی اپنانے کا الزام عائد کر رہی ہیں، جبکہ حکومت ان الزامات کو مسترد کرتی ہے۔

2023 کی جنگ کے بعد ناگورنو کاراباخ کے علاقے سے آرمینیائی آبادی کی بڑے پیمانے پر نقل مکانی بھی ایک اہم سیاسی مسئلہ بنی ہوئی ہے۔

انتخابات میں تقریباً 24 لاکھ 80 ہزار ووٹرز حصہ لے رہے ہیں، پولنگ مقامی وقت کے مطابق صبح 8 بجے شروع ہوئی اور شام 8 بجے تک جاری رہے گی۔