جی ایچ کیو میں معرکۂ حق کی فتح کی پہلی سالگرہ کی مرکزی تقریب کل ہوگی

پاکستان کی معرکۂ حق میں کامیابی کی پہلی سالگرہ کے موقع پر اتوار کو جنرل ہیڈکوارٹرز (جی ایچ کیو) راولپنڈی میں تقریب منعقد کی جائے گی۔

چیف آف آرمی اسٹاف ( سی او اے ایس ) اور چیف آف ڈیفنس اسٹاف ( سی ڈی ایف ) فیلڈ مارشل سید عاصم منیر تقریب کے مہمانِ خصوصی ہوں گے۔

اس موقع پر پاک فضائیہ کے سربراہ ائیر چیف مارشل ظہیر احمد بابر سدھو اور پاک بحریہ کے سربراہ ایڈمرل نوید اشرف بھی تقریب میں شرکت کریں گے۔

تقریب کا آغاز یادگارِ شہدا پر پھولوں کی چادر چڑھانے سے ہوگا، جہاں تینوں مسلح افواج کے چاق و چوبند دستے سلامی پیش کریں گے۔

اس موقع پر فیلڈ مارشل سید عاصم منیر اجتماع سے خطاب کریں گے اور معرکۂ حق کی اہمیت اور وطن کے دفاع کے لیے دی گئی قربانیوں پر روشنی ڈالیں گے۔