BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

اسٹاک ایکسچینج میں تیزی کا رجحان برقرار، 100 انڈیکس مزید 4,347 پوائنٹس بڑھ گیا

  • کاروبار کے اختتام پر 100 انڈیکس 158,313.44 کی سطح پر بند
شائع اپ ڈیٹ

پاکستان اسٹاک ایکسچینج (پی ایس ایکس) میں بدھ کو بھی بھرپور خریداری کا رجحان غالب رہا جس کے نتیجے میں بینچ مارک 100 انڈیکس 4300 سے زائد پوائنٹس کے اضافے کے ساتھ بند ہوا۔

تفصیلات کے مطابق اسٹاک مارکیٹ میں ٹریڈنگ کا آغاز ملے جلے رجحان کے ساتھ ہوا، جہاں ابتدائی گھنٹوں کے دوران انڈیکس ایک محدود حد (نیرو رینج) میں گردش کرتا رہا۔

تاہم دوپہر کے قریب زبردست تیزی دیکھی گئی ،ٹریڈنگ کے دوران ایک موقع پر 100 انڈیکس دن کی بلند ترین سطح 158,586.09 پوائنٹس پر جاپہنچا۔

کاروبار کے اختتام پر بینچ مارک 100 انڈیکس 4,347.08 پوائنٹس یا 2.82 فیصد اضافے سے 158,313.44 کی سطح پر بند ہوا۔

بہتری کیپٹل نے بدھ کو اپنے بیان میں کہا کہ واقعات کے ایک تاریخی موڑ پر پاکستان ایک ممکنہ عالمی امن ثالث کے طور پر ابھر رہا ہے۔

اطلاعات کے مطابق وزیراعظم شہباز شریف اور آرمی چیف فیلڈ مارشل عاصم منیر نے مشرق وسطیٰ کے بحران کو حل کرنے کے لیے امریکہ اور ایران کے درمیان اہم مذاکرات کے لیے اسلام آباد کو غیر جانبدار مقام کے طور پر پیش کردیا ہے۔

تاہم نہ تو دفترِ خارجہ اور نہ ہی اسلام آباد میں ایرانی سفارت خانے نے باضابطہ طور پر اس بات کی تصدیق کی ہے کہ پاکستان مذاکرات کی میزبانی کرے گا، اور ابھی تک مذاکرات کے حوالے سے کوئی رسمی معاہدہ طے نہیں پایا ہے۔

یاد رہے کہ منگل کو اسٹاک ایکسچینج میں تیزی دیکھی گئی۔ عالمی مارکیٹ کے مثبت اشاروں اور جغرافیائی سیاسی خدشات میں کمی کے باوجود، کم تجارتی حجم اور منافع کی وصولی نے تیزی کی رفتار کو محدود رکھا۔ کے ایس ای 100 انڈیکس 1,225.99 پوائنٹس یا 0.80 فیصد اضافے سے 153,966.36 کی سطح پر بند ہوا۔

عالمی سطح پر بدھ کو اسٹاک مارکیٹوں میں تیزی اور تیل کی قیمتوں میں کمی دیکھی گئی، جس کی وجہ ان رپورٹس کا منظرِ عام پر آنا ہے کہ امریکہ ایران کے ساتھ جنگ میں ایک ماہ کی جنگ بندی کا خواہاں ہے۔ اطلاعات کے مطابق امریکہ نے مذاکرات کے لیے ایران کو 15 نکاتی منصوبہ بھیجا ہے جس سے خلیج فارس سے تیل کی برآمدات کی بحالی کی امیدیں پیدا ہوگئی ہیں۔

ایشیا میں بدھ کی صبح ایس اینڈ پی 500 فیوچرز میں 0.9 فیصد اور یورپی فیوچرز میں 1.2 فیصد کا اضافہ دیکھا گیا جبکہ برینٹ کروڈ فیوچرز تقریباً 6 فیصد کمی کے ساتھ 98.30 ڈالر فی بیرل تک گر گئے۔

آسٹریلیا، جنوبی کوریا اور جاپان کی ایکویٹی مارکیٹوں میں صبح کی ٹریڈنگ کے دوران تقریباً 2 فیصد اضافہ ریکارڈ کیا گیا جبکہ سونے کی قیمتوں میں 1.6 فیصد اضافہ ہوا، جسے سرمایہ کار طویل عرصے کی تیزی کے بعد منافع کی وصولی کے لیے فروخت کر رہے تھے۔

امریکی صدر ڈونلڈ ٹرمپ نے منگل کو کہا کہ امریکہ جنگ کے خاتمے کے لیے مذاکرات میں پیش رفت کررہا ہے جس میں تہران سے ایک اہم رعایت حاصل کرنا بھی شامل ہے۔ دوسری جانب ایک ذرائع نے تصدیق کی ہے کہ واشنگٹن نے ایران کو تصفیے کے لیے 15 نکاتی تجویز ارسال کردی ہے۔

اسرائیل کے چینل 12 نے تین ذرائع کے حوالے سے بتایا کہ امریکہ 15 نکاتی منصوبے پر بحث کے لیے ایک ماہ کی جنگ بندی کا خواہاں ہے۔

دوسری جانب تہران نے ان اطلاعات کی تردید کی ہے کہ (امریکہ کے ساتھ) کوئی براہِ راست مذاکرات ہوئے ہیں۔

Comments

Comments are closed.