BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
کاروبار اور معیشت

اسٹاک ایکسچینج: زبردست تیزی، 100 انڈیکس 1,500 پوائنٹس اضافے کے ساتھ ریکارڈ سطح پر بند

  • مارکیٹ کے تجزیہ کاروں نے بڑھتے رجحان کی وجہ یو اے ای سے متوقع سرمایہ کاری کو قرار دیا
شائع اپ ڈیٹ

پاکستان اسٹاک ایکسچینج (پی ایس ایکس) میں پیر کو خریداری کا سلسلہ جاری رہا جس کے نتیجے میں بینچ مارک کے ایس ای 100 انڈیکس تقریباً 1,500 پوائنٹس کے اضافے کے ساتھ نئے ریکارڈ سطح پر بند ہوا۔

مارکیٹ میں کاروبار کا آغاز زبردست تیزی کے ساتھ ہوا، سرمایہ کار متحرک دکھائی دیے اور بھرپور خریداری کا سلسلہ جاری رکھا، ٹریڈنگ کے دوران ایک موقع پر 100 انڈیکس دن کی بلند ترین سطح 174,411.72 پوائنٹس کی ریکارڈ سطح پر جاپہنچا۔

بعدازاں منافع کا رجحان غالب آگیا جس سے انڈیکس دن کی کم ترین سطح 173,200 پوائنٹس تک گرگیا، تاہم یہ کمی زیادہ دیر برقرار نہ رہی کیونکہ دوبارہ خریداری کے رجحان نے مارکیٹ کو نقصان سے نکالا اور سیشن کے باقی حصے میں محدود حد کے اندر ٹریڈنگ جاری رہی۔

کاروبار کے اختتام پر کے ایس ای 100 انڈیکس 1,495.61 پوائنٹس یا 0.87 فیصد اضافے سے 173,896.34 پوائنٹس پربند ہوا۔

مارکیٹ کے تجزیہ کاروں نے بڑھتے رجحان کی وجہ یو اے ای سے متوقع سرمایہ کاری کو قرار دیا۔

ڈپٹی وزیراعظم اور وزیر خارجہ سینیٹر اسحاق ڈار نے ہفتے کو کہا تھا کہ یو اے ای دو طرفہ اقتصادی تعاون کے سلسلے میں فوجی فاؤنڈیشن کے شیئرز حاصل کرے گا۔

دوسری جانب عارف حبیب لمیٹڈ کی رپورٹ بعنوان “پاکستان انویسٹمنٹ اسٹریٹجی 2026: دی ایکویٹی ایج کنٹینیوز میں یہ پیش گوئی کی گئی ہے کہ بہتر ہوتے ہوئے میکرو اکنامک استحکام، مہنگائی کے دباؤ میں کمی، اور مقامی مارکیٹ میں سرمائے کی مسلسل دستیابی کی بدولت پاکستان اسٹاک ایکسچینج کے 2026 میں بھی بہترین کارکردگی دکھانے کی توقع ہے

مشیر خزانہ خرم شہزاد نے پیر کو کہا کہ گزشتہ سال کے دوران پاکستان اسٹاک ایکسچینج نے امریکی ڈالر کے حساب سے 50 فیصد سے زائد منافع فراہم کیا جس سے یہ ایشیا کے بہترین پرفارمنس دینے والے مارکیٹس میں شامل ہوگیا۔

انہوں نے کہا کہ سرمایہ کاروں کی شرکت تیزی سے بڑھ رہی ہے، ایکوئٹی سرمایہ کاروں کی تعداد 450,000 سے تجاوز کر گئی، جو 18 ماہ میں 120,000 سے زائد سرمایہ کاروں کے اضافے کے برابر ہے۔

انہوں نے کہا کہ یہ ریکارڈ سطح سرمایہ کاروں کے بڑھتے ہوئے اعتماد کی عکاسی کرتی ہیں، جسے مسلسل میکرو اکنامک استحکام، کلیدی اصلاحات، اور مستقبل میں زیادہ پائیدار اور بلند تر ترقی کے بہتر امکانات سے تقویت ملی ہے۔

گزشتہ ہفتے پاکستان کی ایکویٹی مارکیٹ تاریخی سطح پر بند ہوئی جہاں بینچ مارک کے ایس ای-100 انڈیکس اپنی ریکارڈ ساز تیزی کو جاری رکھتے ہوئے 172,400.73 پوائنٹس پر بند ہوا، جو ہفتہ وار بنیاد پر 0.6 فیصد اضافے کو ظاہر کرتا ہے۔

عالمی سطح پر پیر کو ایشیائی اسٹاک مارکیٹس چھ ہفتوں کی بلند ترین سطح پر پہنچ گئیں جبکہ آئندہ سال فیڈرل ریزرو کی جانب سے شرحِ سود میں کمی کی توقعات کے باعث ڈالر تقریباً تین ماہ کی کم ترین سطح کے قریب منڈلاتا رہا جس کے نتیجے میں قیمتی دھاتوں میں بھی زبردست تیزی دیکھنے میں آئی۔

Comments

Comments are closed.