اسپین کی یوکرین کو فنڈنگ کیلئے منجمد روسی اثاثوں کے استعمال کی حمایت

ہسپانوی وزیرِ معیشت کارلوس کُریپو نے جمعہ کے روز کہا ہے کہ ان کی حکومت یورپی کمیشن کی اُن کوششوں کی حمایت کرتی ہے جن کے تحت یورپی یونین میں منجمد روسی اثاثوں کو استعمال میں لا کر یوکرینی حکومت کی مالی معاونت کی جائے۔

انہوں نے بلومبرگ ٹی وی کو انٹرویو میں کہا کہ اسپین کی جانب سے ہم یوکرین کے لیے زیادہ سے زیادہ مالی معاونت بڑھانے کی وکالت کر رہے ہیں۔ ہم اس بات کے بھی حامی ہیں کہ ان منجمد اثاثوں کو استعمال کرنے کے تخلیقی طریقوں پر غور کیا جائے۔

کُریپو نے مزید کہا کہ اسپین، جو یورپی یونین میں روسی مائع قدرتی گیس ( ایل این جی ) کا سب سے بڑا درآمد کنندہ ہے، ان درآمدات کو کم کرنے اور متبادل کے طور پر امریکا جیسے ممالک سے سپلائی حاصل کرنے کے لیے کام کر رہا ہے۔