فولڈ ایبلز میں خوش آمدید، ایپل کے فولڈنگ آئی فون کے چیلنج سے نمٹنے کیلئے سام سنگ تیار

سام سنگ نے اپنے فولڈ ایبل فونز کے لیے تشہیری مہم شروع کر دی ہے، جس میں ہارڈویئر برتری اور اس شعبے میں ابتدائی داخلے کو اجاگر کیا گیا ہے، کیونکہ کمپنی ایپل کی جانب سے درپیش بڑے چیلنج کا مقابلہ کرنے کی کوشش کر رہی ہے۔

ایپل نے بدھ کو 1,999 ڈالر مالیت کا فولڈنگ آئی فون ڈیو متعارف کرایا، جس کا مقصد ایک ایسی کیٹیگری میں ہلچل پیدا کرنا ہے جس پر طویل عرصے سے سام سنگ اور ہواوے جیسی چینی کمپنیاں غالب ہیں۔

ایپل نے پاسپورٹ نما ڈیزائن اپنایا ہے جسے سام سنگ نے دو ماہ سے بھی کم عرصہ قبل گلیکسی زیڈ فولڈ 8 کے ساتھ متعارف کرایا تھا، جس کی قیمت 1,899 ڈالر ہے اور یہ الفابیٹ کی جیمنی مصنوعی ذہانت سے لیس ہے۔

مارکیٹ ریسرچ فرم کاؤنٹرپوائنٹ کے مطابق ایپل رواں سال فولڈ ایبل فونز کی مارکیٹ میں 25 فیصد حصہ حاصل کر سکتا ہے، جبکہ سام سنگ کا حصہ 38 فیصد رہنے کی توقع ہے۔

سام سنگ نے سیئول، ٹوکیو اور لندن سمیت بڑے شہروں میں اشتہارات لگائے، جن میں فولڈ ایبل فونز کے شعبے میں اپنی برتری اور ہلکے و پتلے ڈیزائن کو اجاگر کیا گیا۔

سام سنگ نے 2019 میں پہلے بڑے پیمانے پر فولڈ ایبل فونز متعارف کرائے تھے اور اس کے بعد آٹھ جنریشن پیش کر چکا ہے۔ تاہم کمپنی کو ہواوے سمیت چینی حریفوں سے بڑھتے ہوئے مقابلے کا سامنا ہے۔