امریکہ کی لبنان اور اسرائیل کے درمیان جنگ بندی کیلئے نئی تجویز

امریکی وزیر خارجہ مارکو روبیو نے لبنان کے صدر جوزف عون اور اسرائیلی وزیر اعظم بنجمن نیتن یاہو دونوں سے اسرائیل اور لبنان کے درمیان جاری سفارتی مذاکرات پر بات چیت کی ہے۔

امریکی اہلکار کے مطابق امریکہ نے ایک تجویز پیش کی ہے جس کے تحت ابتدائی قدم کے طور پر حزب اللہ اسرائیل پر تمام حملے روک دے گا اور اس کے بدلے میں اسرائیل بیروت میں کسی بھی مزید کشیدگی سے گریز کرے گا۔

امریکی اہلکار نے مزید کہا کہ صدر جوزف عون نے اس تجویز کو آگے بڑھانے کی کوشش کی، تاہم لبنانی پارلیمنٹ کے اسپیکر نبیہ بری نے ذمہ داری اسرائیل پر ڈالی کہ وہ پہلے فائرنگ بند کرے۔