پاک قطر فیملی تکافل کا شیئر آئی پی او کے پہلے روز پاکستان اسٹاک ایکسچینج میں کم از کم قیمت 14 روپے پر جمود کا شکار

پاک قطر فیملی تکافل لمیٹڈ ( پی کیو ایف ٹی ایل ) کا شیئر آئی پی او کے پہلے روز جمعرات کو پاکستان اسٹاک ایکسچینج ( پی ایس ایکس ) پر دو روزہ ڈچ بیڈنگ عمل کے دوران کم از کم پیش کردہ قیمت 14 روپے فی شیئر پر برقرار رہا، جب کہ کمپنی نے کاروباری توسیع کے لیے سرمایہ کاری راغب کرنے کے لیے 50 ملین شیئرز فروخت کے لیے پیش کیے۔

دو روزہ بک بلڈنگ کے عمل کے دوران، جو جمعہ کو اختتام پذیر ہوگا، شیئر کی قیمت کم از کم (فلور) 14 روپے فی شیئر سے زیادہ سے زیادہ 50 فیصد بڑھ کر 21 روپے فی شیئر تک جا سکتی ہے۔

پی ایس ایکس کے بک بلڈنگ اسکرین کے مطابق ادارہ جاتی اور ہائی نیٹ ورتھ انفرادی سرمایہ کاروں نے جمعرات کو 14 روپے سے 15.40 روپے فی شیئر کی حد میں بولی لگائی۔ تاہم، بک بلڈنگ کے عمل سے ظاہر ہوا کہ پہلے روز پہلا اسٹریک پرائس 14 روپے فی شیئر پر آیا۔

شریعہ کے مطابق فیملی انشورنس کمپنی پاک قطر فیملی تکافل لمیٹڈ ( پی کیو ایف ٹی ایل ) نے ڈچ بیڈنگ/بک بلڈنگ کے عمل کے ذریعے ادارہ جاتی اور ہائی نیٹ ورتھ انفرادی سرمایہ کاروں کے لیے پیش کردہ 37.5 ملین شیئرز (50 ملین شیئرز کا 75 فیصد) کے مقابلے میں 42.33 ملین شیئرز کے لیے بولیاں موصول کیں۔

باقی 12.5 ملین شیئرز (یا 25 فیصد) ریٹیل سرمایہ کاروں کو پیش کیے جائیں گے، جن کے اسٹریک پرائس کا تعین جمعہ کی شام تک کیا جائے گا، کمپنی نے پی ایس ایکس کی ویب سائٹ پر دستیاب اپنے جاری آئی پی او (ابتدائی عوامی پیشکش) کے پراسپیکٹس میں بتایا۔

پی کیو ایف ٹی ایل نے سرمایہ کاری کو 700 ملین سے 1.05 ارب روپے کے دائرے میں راغب کرنے کا ہدف مقرر کیا ہے، جو فلور پرائس 14 روپے اور کیپ پرائس 21 روپے کے درمیان طے ہونے والے اسٹریک پرائس پر منحصر ہے۔

عارف حبیب لمیٹڈ ( اے ایچ ایل ) کے سی ای او شاہد علی حبیب، جو لیڈ بک رنر ہیں، نے ایک پریس بیان میں کہا کہ آئی پی او سے حاصل ہونے والی رقم پاک قطر فیملی تکافل کو کم از کم کیپٹل کی ضروریات پوری کرنے، ڈیجیٹل چینلز کو وسعت دینے اور صارفین پر مرکوز مزید مصنوعات تیار کرنے میں مدد دے گی۔

شاہد علی حبیب کے مطابق قطر کے مالی شعبے کی مضبوط پشت پناہی رکھنے والی یہ کمپنی پاکستان کی تیزی سے بڑھتی ہوئی انشورنس مارکیٹ میں اپنے آپریشنز اور مصنوعات کی پیشکش کو وسعت دینے کے لیے اس رقم کا استعمال کرنے کا منصوبہ رکھتی ہے۔

بیان کے مطابق پاک قطر فیملی تکافل کا فیملی تکافل سیکٹر (ونڈو تکافل سمیت) میں 44 فیصد مارکیٹ شیئر ہے، جبکہ مخصوص فیملی تکافل سیکمنٹ میں اس کا مارکیٹ شیئر 90.47 فیصد ہے۔

2024 میں پاکستان میں انشورنس کی رسائی کم رہی اور صرف 0.7 فیصد رہی، تاہم تعلیم میں اضافہ اور بہتر اقتصادی حالات مستقبل میں مضبوط ترقی کی صلاحیت ظاہر کرتے ہیں۔

عالمی انشورنس صنعت نے تیزی سے ترقی کی ہے لیکن یہ ترقی یکساں نہیں رہی، جہاں ترقی یافتہ معیشتوں میں رسائی 10 فیصد سے زیادہ ہے، وہیں ای ایم ای اے اور ایشیا کے ابھرتے ہوئے بازار پیچھے رہ گئے ہیں۔