ٹی ٹی زیڈ زمین کی فروخت سے منگروو پروجیکٹ میں سرمایہ کاری کی تجویز

ٹی پی ایل ریٹ فنڈ، نے ٹی پی ایل ٹیکنالوجی زون فیز I (پرائیویٹ) لمیٹڈ (ٹی ٹی زیڈ) کے ختم کرنے کے حوالے سے اپنے پہلے سے اعلان شدہ منصوبے میں بڑی تبدیلی کی تجویز پیش کی ہے۔

منگل کو پاکستان اسٹاک ایکسچینج (پی ایس ایکس) کے ساتھ شیئر کی گئی ایک قرارداد کے مطابق، فنڈ کی انتظامی کمپنی نے ٹی ٹی زیڈ کی پروجیکٹ اراضی کی فروخت سے حاصل ہونے والی آمدنی کو برقرار رکھنے کی منظوری مانگی ہے۔ یہ اقدام 27 دسمبر 2024 کو کیے گئے اصل اعلان کے برعکس ہے، جس کے تحت ایس پی وی کے ختم ہونے کے بعد لیکویڈیشن کی آمدنی یونٹ ہولڈرز میں تقسیم کی جانی تھی۔

قرارداد کے مطابق، برقرار کی گئی رقم کو فنڈ کے کسی دوسرے موجودہ پروجیکٹ ایس پی وی،، یعنی نیشنل مینجمنٹ اینڈ کنسلٹنسی سروسز (پرائیویٹ) لمیٹڈ (این ایم سی) میں صرف ترقیاتی اخراجات کی معاونت کے لیے دوبارہ سرمایہ کاری کی جائے گی، اور یہ رقم کسی اور مقصد کے لیے استعمال نہیں کی جائے گی، بشمول زمین کی خریداری یا متعلقہ کمپنیوں کے قرضوں/ذمہ داریوں کی ادائیگی وغیرہ۔

دوبارہ سرمایہ کاری کا یہ منصوبہ تمام معاہدہ جاتی اور ریگولیٹری منظوریوں سے مشروط ہے۔

مینجمنٹ کمپنی کو نظر ثانی شدہ حکمت عملی پر عمل درآمد کے لیے تمام ضروری اقدامات کرنے، دستاویزات تیار کرنے، ریگولیٹری فائلنگ کرنے اور مطلوبہ کارروائیاں کرنے کی اجازت دی گئی ہے۔

اگر یہ منظوری حاصل کر لی جاتی ہے تو اس اقدام کے تحت ٹی ٹی زیڈ کے ختم ہونے سے حاصل ہونے والا سرمایہ منگروو پروجیکٹ کی ترقی کو تیز کرنے کے لیے منتقل کر دیا جائے گا۔

ٹی پی ایل ریٹ پاکستان کا پہلا اور سب سے بڑا شریعہ مطابق ڈویلپمنٹ امپیکٹ رئیل اسٹیٹ انویسٹمنٹ ٹرسٹ فنڈ ہے اور اس کی متوقع کل مالیت 80 ارب روپے رکھی گئی ہے۔