جاز کا پاکستان میں سام سنگ گلیکسی ایس 26 سیریز لانچ کرنے کا اعلان

جاز نے پاکستان میں سام سنگ گلیکسی ایس 26 سیریز متعارف کرانے کے لیے عالمی ٹیکنالوجی لیڈر سام سنگ کے ساتھ شراکت داری کی ہے، جس کا مقصد صارفین کو جدید ترین اور 5G اسپورٹڈ ڈیوائسز تک رسائی فراہم کرنا ہے جو اگلی نسل کے ڈیجیٹل طرزِ زندگی کی بنیاد ہیں۔ اس تعاون کا مقصد سام سنگ کی فلیگ شپ اختراعات اور جاز ورلڈ کے ملک گیر ڈیجیٹل ایکو سسٹم کے امتزاج سے اعلیٰ کارکردگی والے اسمارٹ فونز کے استعمال کو فروغ دینا ہے۔ دونوں کمپنیاں ملکر صارفین کو تیز ترین کنیکٹوٹی، مواد کے بہتر تجربات اور اے آئی سے لیس ایپلی کیشنز کے ذریعے پاکستان کی ابھرتی ہوئی ڈیجیٹل معیشت میں بھرپور شرکت کے قابل بنانا چاہتی ہیں۔

اس شراکت داری کے تحت، سام سنگ گلیکسی S26 سیریز خریدنے والے جاز صارفین کو خصوصی طور پر 1 ٹیرا بائٹ ڈیٹا بنڈل ملے گا جو ملک بھر میں پری پیڈ اور پوسٹ پیڈ دونوں صارفین کے لیے دستیاب ہوگا۔ مارکیٹ میں ڈیٹا کے سب سے بڑے بنڈلز میں سے ایک ہونے کے ناطے، یہ پیکیج خاص طور پر بہت زیادہ ڈیٹا استعمال کرنے والی سرگرمیوں جیسے کہ اسٹریمنگ، گیمنگ، کونٹینٹ تخلیق کرنےاور اگلی نسل کی موبائل سروسز کو سپورٹ کرنے کے لیے ڈیزائن کیا گیا ہے۔

لانچ میں جاز کے چینلز کے ذریعے پری بکنگ کی خصوصی سہولت بھی شامل ہے، جہاں پہلے خریداری کرنے والوں کو سام سنگ کے محدود مدت کے تحائف ملیں گے۔ اس کا مقصد جدید ترین فلیگ شپ ٹیکنالوجی اپنانے والے صارفین کو ایک منفرد اور ممتاز تجربہ فراہم کرنا ہے۔

جاز کے صدر کنزیومر ڈویژن کاظم مجتبیٰ نے کہا کہ جیسا کہ پاکستان اگلی نسل کی کنیکٹوٹی کی طرف بڑھ رہا ہے، یہ ضروری ہے کہ ڈیوائسز کی صلاحیت اور نیٹ ورک کی تیاری دونوں ساتھ ساتھ پروان چڑھیں۔

کاپی رائٹ بزنس ریکارڈر 2026