پیٹرول کی قیمت میں 3 روپے اور ڈیزل میں 4 روپے فی لیٹر کمی

آئل اینڈ گیس ریگولیٹری اتھارٹی (اوگرا) نے جمعرات کو پیٹرول کی قیمت میں 3 روپے فی لیٹر کمی کرتے ہوئے اسے 332 روپے مقرر کردیا، جبکہ ہائی اسپیڈ ڈیزل (ایچ ایس ڈی) کی قیمت 4 روپے گھٹا کر 364 روپے سے 360 روپے فی لیٹر کردی گئی۔ نئی قیمتوں کا اطلاق 13 نومبر 2026ء سے ہوگا۔

اوگرا نے اپنے اعلامیے میں کہا کہ پیٹرولیم مصنوعات کی قیمتوں کا تعین وفاقی حکومت کے منظور کردہ طریقہ کار کے تحت کیا گیا ہے۔

نئی قیمتوں کا اطلاق 13 نومبر کیلئے ہوگا۔

بدھ کے روز حکومت نے پیٹرول کی قیمت میں مزید 3 روپے فی لیٹر کمی کرتے ہوئے اسے 335 روپے مقرر کیا تھا، جبکہ ڈیزل کی قیمت 7 روپے گھٹا کر 364 روپے فی لیٹر کردی تھی۔

عالمی منڈی میں جمعرات کو خام تیل کی قیمتوں میں گزشتہ سیشن کی کمی کے بعد معمولی اضافہ ہوا۔ مشرق وسطیٰ اور روس میں جغرافیائی سیاسی کشیدگی برقرار رہنے سے خام تیل کی بڑھتی ہوئی پیداوار کے دباؤ کا اثر زائل ہوگیا۔

گرین وچ معیاری وقت کے مطابق 1425 بجے برینٹ خام تیل کے مستقبل کے سودے 65 سینٹ اضافے سے 93.40 ڈالر فی بیرل ہوگئے۔ امریکی ویسٹ ٹیکساس انٹرمیڈیٹ خام تیل کی قیمت ایک سینٹ بڑھ کر 86.54 ڈالر فی بیرل رہی۔ ایشیائی تجارت کے ابتدائی اوقات میں دونوں معاہدوں کی قیمتوں میں ایک ڈالر فی بیرل سے زیادہ کمی ہوئی تھی، جبکہ ہفتہ وار بنیادوں پر بھی ان کی قیمتوں میں کمی متوقع تھی۔