پولینڈ، کراکوف میں فائرنگ سے 6 افراد ہلاک، ملک سوگ میں ڈوب گیا

پولینڈ کے جنوبی شہر کراکوف کے مرکزی چوک میں فائرنگ کے واقعے میں 6 افراد ہلاک اور 17 زخمی ہوگئے، جبکہ پولیس نے حملہ آور کو فائرنگ کے تبادلے کے بعد گرفتار کرلیا۔ حکام کے مطابق حملہ آور کے گھر سے مزید 3 لاشیں بھی ملی ہیں۔

وزیر داخلہ مارسن کیئرونسکی نے کہا کہ ابتدائی شواہد سے ظاہر ہوتا ہے کہ حملہ آور انتہائی دائیں بازو کے نظریات سے متاثر تھا، جس کی تحقیقات جاری ہیں۔ پولیس کے مطابق 24 سالہ پولش شہری نے اے آر 15 رائفل سے فائرنگ کی، جبکہ اس کے قبضے سے بھاری مقدار میں اسلحہ اور گولہ بارود بھی ملا۔

وزیراعظم ڈونلڈ ٹسک نے بتایا کہ حملہ آور کے گھر سے ملنے والی 3 لاشوں میں 2 خواتین اور ایک مرد شامل ہیں، جن کے اس کے قریبی اہل خانہ ہونے کا شبہ ہے۔ واقعے میں زخمی ہونے والوں میں 5 غیر ملکی شہری بھی شامل ہیں۔

حکام نے پولیس اہلکاروں کی کارروائی کو سراہتے ہوئے کہا کہ فوری جوابی کارروائی سے بڑے پیمانے پر جانی نقصان روکا گیا۔ صدر کیرول ناوروکی نے 8 اور 9 نومبر کو قومی سوگ منانے کا اعلان کیا ہے۔