ٹرمپ کا اختلاف کی صورت میں مشیروں لاویسیٹا اور بلیئر کو برطرف کرنے کا عندیہ

امریکی صدر ڈونلڈ ٹرمپ نے بدھ کو کہا ہے کہ وہ اپنے مشیروں کرس لاویسیٹا اور جیمز بلیئر کو ’’اگر مفادات کا ٹکراؤ ہوا‘‘ تو فوری طور پر برطرف کردیں گے۔ یہ بیان نیویارک ٹائمز کی اس رپورٹ کے بعد سامنے آیا ہے جس میں بتایا گیا تھا کہ دونوں سیاسی مشیروں نے بوسنیا کے علاقے ریپبلیکا سرپسکا کا دورہ کیا ہے۔

نیویارک ٹائمز نے منگل کو رپورٹ کیا تھا کہ لاویسیٹا اور بلیئر نے بوسنیا اور ہرزیگووینا کے مذکورہ علاقے کا اتوار کو ہونے والے انتخابات سے قبل دورہ کیا تھا۔ ٹرمپ نے دونوں کو 3 نومبر کو ہونے والے امریکی وسط مدتی انتخابات سے قبل انتخابی مہم کی سرگرمیوں کی قیادت کے لیے نامزد کیا تھا۔

ٹرمپ نے اپنی ایک پوسٹ میں کہا کہ دونوں مشیر ’’میرے لیے کام نہیں کرتے، سوائے بیرونی مشیر کے طور پر‘‘۔ انہوں نے مزید کہا، ’’انہیں دوسروں کے لیے کام کرنے کی اجازت ہے، بالکل اسی طرح جیسے واشنگٹن ڈی سی کے تمام مشیر کرتے ہیں۔ مجھے بالکل معلوم نہیں کہ وہ مزید کن لوگوں کے لیے کام کرتے ہیں، لیکن اب اس معاملے پر غور کرنے کے بعد میں ان سے پوچھوں گا اور اگر مفادات کا ٹکراؤ ہوا تو انہیں فوری طور پر فارغ کردوں گا۔‘‘

امریکا، روس اور یورپی یونین بوسنیا میں اپنا اثر و رسوخ بڑھانے کے لیے ایک دوسرے سے مسابقت کررہے ہیں۔