ڈالر کے مقابلےمیں روپے کی بہتری جاری

انٹربینک مارکیٹ میں منگل کو بھی ڈالر کے مقابلے روپے کی پیش قدمی جاری رہی۔

اسٹیٹ بینک کے مطابق کاروبار کے اختتام پر انٹربینک مارکیٹ میں ڈالر کے مقابلے میں روپیہ ایک پیسے کی بہتری سے 277.05 روپے پر بند ہوا۔

یاد رہے کہ پیر کومقامی کرنسی 277.06 روپے پر بند ہوئی تھی۔

بین الاقوامی سطح پر امریکی ڈالر کی تیزی برقرار رہی اور امریکی ٹریژری ییلڈز میں اضافے کے باعث ڈالر کی قدر مزید مستحکم ہوئی۔

وسیع تر مارکیٹ میں امریکی ڈالر کی قدر میں اضافہ ہوا جسے امریکی ٹریژری ییلڈز کی بلند سطح سے سہارا ملا جو گزشتہ شب کئی دہائیوں کی بلند ترین سطح پر پہنچ گئی تھیں۔

ین کے مقابلے میں امریکی ڈالر معمولی اضافے سے 157.92 ین پر پہنچ گیا جبکہ پاؤنڈ اسٹرلنگ 0.02 فیصد کمی سے 1.3222 ڈالر کا ہوگیا۔

ڈالر انڈیکس 102.16 پر مستحکم رہا جو گزشتہ سیشن میں 18 ماہ کی بلند ترین سطح پر پہنچ گیا تھا۔

امریکی روزگار کے توقعات سے کمزور اعداد و شمار کے بعد رواں ماہ فیڈرل ریزرو کی جانب سے شرح سود میں اضافے کی توقعات کم ہونے کے باوجود ڈالر کی مضبوطی برقرار ہے کیونکہ سرمایہ کاروں کا خیال ہے کہ مرکزی بینک کو اب بھی مالیاتی پالیسی مزید سخت کرنا پڑ سکتی ہے۔