جینک سنر گھٹنے کی چوٹ کے باعث سنسیناٹی اوپن سے دستبردار

عالمی نمبر ایک یانک سِنّر دائیں گھٹنے کی چوٹ کے باعث سنسیناٹی اوپن سے دستبردار ہو گئے ہیں، جس سے یو ایس اوپن کی تیاریوں کو دھچکا لگا ہے۔

24 سالہ اطالوی کھلاڑی، جنہوں نے گزشتہ ماہ ومبلڈن میں پانچواں گرینڈ سلیم ٹائٹل جیتا تھا، اس سے قبل کینیڈین اوپن سے بھی باہر ہو چکے ہیں۔ سِنّر نے 2024 میں سنسیناٹی کا ٹائٹل جیتا تھا، جبکہ گزشتہ سال کارلوس الکاراز کے خلاف رنر اپ رہے تھے۔

جینک سِنّر نے کہا کہ ڈاکٹرز سے مشاورت کے بعد مجھے سنسیناٹی ماسٹرز سے دستبردار ہونا پڑ رہا ہے۔ میرا دائیں گھٹنا تکلیف دے رہا ہے اور میں ابھی مقابلے کے لیے تیار نہیں۔ اب میری توجہ یو ایس اوپن پر ہے۔

الکاراز بھی کلائی کی چوٹ کی وجہ سے پہلے ہی باہر ہیں۔ سنسیناٹی اوپن کا آغاز 13 اگست جبکہ یو ایس اوپن کا 30 اگست سے ہوگا۔