انڈونیشیا، ماؤنٹ برومو کے قریب آگ بجھادی گئی، 550 ہیکٹر رقبہ جل گیا
- حکام نے آگ بجھانے کے لیے 120 سے زائد اہلکار، پانی برسانے والے 3 ہیلی کاپٹر، ڈرونز اور فائر ٹرک تعینات کیے ہیں
انڈونیشیا کے مشرقی جاوا میں واقع ماؤنٹ برومو نیشنل پارک میں لگنے والی آگ سے 550 ہیکٹر (1,360 ایکڑ) رقبہ متاثر ہوا ہے، تاہم حکام نے آگ پر قابو پالیا ہے۔ مقامی ڈیزاسٹر مینجمنٹ ایجنسی کے سربراہ گاتو سوبروتو نے پیر کو بتایا کہ 3 اگست کو شروع ہونے والی آگ اتوار تک مکمل طور پر بجھا دی گئی تھی۔
تاہم انہوں نے بتایا کہ کیلڈیرا کے اطراف تقریباً 20 ہیکٹر رقبے میں آگ کے نئے مقامات سامنے آئے ہیں، جس کے مزید پھیلنے کا خدشہ ہے۔
حکام نے آگ بجھانے کے لیے 120 سے زائد اہلکار، پانی برسانے والے 3 ہیلی کاپٹر، ڈرونز اور فائر ٹرک تعینات کیے ہیں۔
ماؤنٹ برومو ایک فعال آتش فشاں اور مقبول سیاحتی مقام ہے، جو اپنی ریت کے سمندر پر مشتمل کیلڈیرا کے باعث مشہور ہے۔ نیشنل پارک 50,000 ہیکٹر سے زائد رقبے پر پھیلا ہوا ہے۔
حکام آگ لگنے کی وجہ کی تحقیقات کر رہے ہیں، تاہم گاتو کے مطابق شبہ ہے کہ آگ انسانی غفلت کے باعث لگی۔ ان کے مطابق کسی شخص نے آگ جلائی اور بجھائی، مگر اسے مکمل طور پر نہیں بجھایا۔
آگ کے باعث نیشنل پارک ہفتے کی شام سے بند ہے۔ کسی جانی نقصان کی اطلاع نہیں ملی۔
Comments