فیفا ورلڈ کپ : پیراگوئے نے ترکیہ کو 1-0 سے شکست دے دی

فیفا ورلڈ کپ کے گروپ ڈی کے ایک میچ میں پیراگوئے نے شاندار دفاعی کھیل کا مظاہرہ کرتے ہوئے ترکیہ کو 0-1 سے شکست دے دی۔

اپنے افتتاحی میچ میں امریکہ کے ہاتھوں 4-1 کی شکست کے بعد پیراگوئے نے میچ کے 64 ویں سیکنڈ میں ہی برتری حاصل کر لی جب میٹیاس گالارزا نے دور سے ایک طاقتور شاٹ کے ذریعے گول داغ دیا جس کے بعد انہوں نے پورے میچ کے دوران ترکیہ کے مسلسل حملوں کے طوفان کے سامنے اپنی برتری کو برقرار رکھا۔

میچ میں ایک کھلاڑی کی کمی کے باوجود پیراگوئے کی ٹیم نے بھرپور مزاحمت کی اور برتری برقرار رکھنے میں کامیاب رہی۔

پیراگوئے کو پہلے ہاف کے اضافی وقت میں بڑا دھچکا اس وقت لگا جب مڈفیلڈر میگوئل المیرون کو براہ راست ریڈ کارڈ دکھا دیا گیا۔

وہ ورلڈ کپ میں منہ پر ہاتھ رکھ کر بات کرنے کے نئے نافذ کردہ ضابطے کے تحت سزا پانے والے پہلے کھلاڑی بنے۔