خام تیل اور سویا آئل مہنگا ہونے سے پام آئل کی قیمتوں میں بھی تیزی

ملائیشین پام آئل فیوچرز میں پیر کو مسلسل دوسرے سیشن میں بھی تیزی دیکھی گئی جسے ڈالیان پام آئل، شکاگو سویا آئل اور خام تیل کی قیمتوں میں استحکام کے ساتھ ساتھ ملائیشین رنگٹ کی قدر میں کمی سے بھی سہارا ملا۔

برسا ملائیشیا ڈیریویٹوز ایکسچینج میں اگست کی ڈلیوری کے لیے بینچ مارک پام آئل کا سودا 57 رنگٹ یا 1.28 فیصد اضافے سے 4,494 رنگٹ (1,130.85 ڈالرز) فی میٹرک ٹن پر پہنچ گیا۔

گزشتہ ہفتے اس سودے میں 1.89 فیصد کی کمی دیکھی گئی تھی جو کہ مسلسل تیسری ہفتہ وار گراوٹ تھی۔