مشرقِ وسطیٰ تنازع: کولگیٹ پامولیو کو 30 کروڑ ڈالر کے اضافی اخراجات کا خدشہ

کولگیٹ پامولیو نے کہا ہے کہ اسے رواں سال خام مال اور لاجسٹکس (ترسیل) کے اخراجات میں تقریباً 30 کروڑ ڈالر کے اضافی بوجھ کی توقع ہے۔ کمپنی نے ان متعدد عالمی اداروں کی فہرست میں شمولیت اختیار کر لی ہے جو مشرقِ وسطیٰ کے تنازع کے باعث اخراجات کے شدید دباؤ کی نشان دہی کر رہے ہیں۔

کمپنی کی جانب سے پہلی سہ ماہی کے فروخت اور منافع کے اہداف سے بہتر نتائج سامنے آنے کے بعد ابتدائی ٹریڈنگ میں حصص کی قیمتوں میں 3 فیصد اضافہ دیکھا گیا۔

کولگیٹ نے بھی اپنے حریفوں بشمول یونی لیور اور پراکٹر اینڈ گیمبل کی طرح امریکہ، ایران تنازع کے باعث بڑھتے ہوئے اخراجات کے دباؤ سے متعلق خبردار کیا ہے۔ اس تنازع نے سپلائی چین کو درہم برہم کر دیا ہے اور خام مال کی قیمتوں میں اضافہ کردیا ہے جس سے روزمرہ استعمال کی اشیاء مہنگی ہو رہی ہیں۔

کولگیٹ ٹوتھ پیسٹ اور پامولیو صابن بنانے والی کمپنی نے کہا ہے کہ خام مال، پیکجنگ اور لاجسٹکس کے بڑھتے اخراجات عالمی سطح پر صارفین کی قوتِ خرید یا اخراجات پر بھی اثر انداز ہوسکتے ہیں۔

کولگیٹ نے کہا کہ اس کے کاسٹ سیونگ پروگرام کا مقصد 2028 تک آپریشنز کو سادہ بنانا ہے جس سے 20 کروڑ سے 30 کروڑ ڈالر تک کی بچت متوقع ہے اور اس کے زیادہ تر فوائد 2027 سے حاصل ہوں گے۔ کمپنی نے اپنے منافع (مارجن) کے تحفظ کے لیے قیمتوں میں اضافہ جاری رکھنے کا بھی ارادہ ظاہر کیا ہے، جو بنیادی طور پر نئی ’پریمیم مصنوعات کے ذریعے کیا جائے گا۔