نڈال سے متاثر کیسپر روڈ اپنے ٹائٹل کے دفاع کے لیے میڈرڈ اوپن میں واپس

کیسپر روڈ نے میڈرڈ اوپن میں اپنے اعزاز کے دفاع کے لیے واپسی کر لی ہے، جہاں وہ رافیل نڈال کی اکیڈمی میں مختصر ٹریننگ کے بعد اپنی فارم بحال کرنے کے لیے پرامید ہیں۔

27 سالہ نارویجن کھلاڑی اس ماہ کے شروع میں مونٹی کارلو ماسٹرز کے دوران ٹانگ کی انجری کا شکار ہو گئے تھے، تاہم اب وہ مکمل فٹ ہو کر میدان میں اترنے کے لیے تیار ہیں۔

روڈ نے میڈرڈ میں گفتگو کرتے ہوئے کہا کہ انہوں نے میجرکا میں نڈال کی نگرانی میں اپنی فٹنس پر کام کیا۔ انہوں نے اعتراف کیا کہ وہ نڈال کے عزم اور ہمت سے بے حد متاثر ہیں، خاص طور پر جس طرح نڈال جسمانی اور ذہنی طور پر خود کو تیار رکھتے تھے۔ روڈ کا مزید کہنا تھا کہ رافیل نے میری حوصلہ افزائی کی اور کہا کہ آنے والے ہفتوں میں میرے پاس لڑنے کے لیے بہت کچھ ہے۔روڈ کی نظریں اب 24 مئی سے شروع ہونے والے فرنچ اوپن پر ہیں اور وہ اس سے قبل میڈرڈ میں بہترین کارکردگی دکھانے کے لیے پرجوش ہیں۔