نیٹو اتحادیوں کا آبنائے ہرمز کی ناکہ بندی میں ٹرمپ کا ساتھ دینے سے انکار

امریکہ کے نیٹو اتحادیوں نے صدر ڈونلڈ ٹرمپ کے آبنائے ہرمز کی ناکہ بندی کے منصوبے میں شامل ہونے سے انکار کر دیا ہے، جس سے اس دفاعی اتحاد میں شدید تناؤ پیدا ہو گیا ہے۔

صدر ٹرمپ نے دعویٰ کیا تھا کہ امریکی فوج دیگر ممالک کے ساتھ مل کر ایرانی بندرگاہوں کی ناکہ بندی کرے گی، تاہم برطانیہ اور فرانس نے واضح کیا ہے کہ وہ اس جنگ کا حصہ نہیں بنیں گے۔

برطانوی وزیراعظم کیئر اسٹارمر نے کہا کہ شدید دباؤ کے باوجود برطانیہ اس تنازع میں نہیں پڑے گا۔ فرانسیسی صدر ایمانوئیل میکرون نے بھی ناکہ بندی کے بجائے جہاز رانی کی بحالی کے لیے ایک الگ دفاعی مشن کی تجویز دی ہے۔

اتحادیوں کا یہ انکار صدر ٹرمپ کے لیے ایک نیا چیلنج ہے، جو پہلے ہی نیٹو سے علیحدگی کی دھمکیاں دے چکے ہیں۔ یاد رہے کہ ایران کی جانب سے آبنائے ہرمز کی بندش کے باعث عالمی سطح پر تیل کی سپلائی کا بڑا حصہ معطل ہے۔