ای ایم ڈی نے میٹا کے ساتھ چپ سپلائی معاہدہ کرلیا
- اے ایم ڈی کے شیئرز پری مارکیٹ ٹریڈنگ میں 10 فیصد سے زائد بڑھ گئے، جبکہ پچھلے سیشن میں یہ 196.60 ڈالر پر بند ہوئے تھے۔
ایڈوانسڈ مائیکرو ڈیوائسز (اے ایم ڈی) نے منگل کو اعلان کیا کہ اس نے میٹا پلیٹ فارمز کے ساتھ پانچ سال کے دوران 60 بلین ڈالر تک کے مصنوعی ذہانت (اے آئی) چپس کی فروخت پر اتفاق کر لیا ہے، جس کے تحت فیس بک کی مالک کمپنی اے ایم ڈی کا دس فیصد تک حصہ خرید سکتی ہے۔
اے ایم ڈی کے شیئرز پری مارکیٹ ٹریڈنگ میں 10 فیصد سے زائد بڑھ گئے، جبکہ پچھلے سیشن میں یہ 196.60 ڈالر پر بند ہوئے تھے۔
کمپنی نے گزشتہ سال اوپن اے آئی کے ساتھ بھی ایسا ہی معاہدہ کیا تھا، جس سے اس کے چپس اور سافٹ ویئر پر اعتماد ظاہر ہوا اور اسٹاک کی قیمت میں نمایاں اضافہ ہوا۔
اے ایم ڈی کی سی ای او لیزا سو نے پریس بریفنگ میں بتایا کہ میٹا کو اے ایم ڈی کی چھ گیگاواٹ چپس فراہم کی جائیں گی، جس کا آغاز اس سال کی دوسری ششماہی میں آنے والے ایم آئی 450 فلیگ شپ ہارڈویئر کے ایک گیگاواٹ سے ہوگا۔
میٹا اس کے علاوہ مرکزی پروسیسرز بھی خریدے گی، جن میں ایسا ورژن شامل ہوگا جو سوشل میڈیا پلیٹ فارم کی ضروریات کے مطابق خصوصی طور پر تیار کیا جائے گا۔ لیزا سو کے مطابق یہ کسٹم سی پی یو طاقتور کارکردگی فراہم کرے گا اور توانائی کی کھپت کو کم سے کم رکھے گا۔
معاہدے کے تحت اے ایم ڈی میٹا کے لیے 160 ملین شیئرز کے لیے وارنٹ جاری کرے گی، جس کی قیمت ایک سینٹ ہوگی۔ وارنٹ معاہدے کے دوران طے شدہ اہداف اور تکنیکی و تجارتی شرائط کی تکمیل کے بعد فعال ہوگی۔
میٹا کی ساخت میں ڈیٹا سینٹرز اور اے آئی چپس کی بڑھتی ہوئی ضروریات کے پیش نظر متعدد چپ ساز کمپنیوں اور مختلف حکمت عملیوں کی ضرورت ہے۔ میٹا کے انفراسٹرکچر کے سربراہ سنتوش جنرادھن کے مطابق تمام چپ ساز کمپنیوں کو اس میز پر حصہ ملتا ہے۔
Comments