گندم اور چاول کی تجارت اب شفاف ایکسچینج پلیٹ فارم پر

پاکستان کے زرعی شعبے کیلئے ایک اہم پیشرفت کے طور پر پاکستان مرکنٹائل ایکسچینج لمیٹڈ (پی ایم ای ایکس) نے پاکستان کی معروف زرعی اجناس کی ٹریڈنگ اور برآمد کرنے والی کمپنیوں میں سے ایک مسکے اینڈ فیمٹی (Meskay & Femtee) ٹریڈنگ کمپنی کے ساتھ ایک اسٹریٹجک معاہدہ کیا ہے۔

پاکستان کی تاریخ میں پہلی بار، زرعی اجناس جس کا آغاز گندم اور چاول سے ہو رہا ہے کی تجارت ایک باقاعدہ، دستاویزی اور شفاف ایکسچینج پلیٹ فارم پر کی جائے گی، جو قیمتوں کے معتبر تعین کو ممکن بنائے گا اور زرعی معیشت میں اوپن مارکیٹ کے آپریشنز میں معاون ثابت ہوگا۔ معاہدے پر دستخط کے بعد ایکسچینج کو توقع ہے کہ درج فہرست ایگری فیوچرز کنٹریکٹس کی تجارت رواں ماہ کے آخر میں شروع ہو جائے گی۔

اہم زرعی تجارتی بہاؤ کو پی ایم ای ایکس کے پلیٹ فارم پر شامل کرنے سے توقع کی جاتی ہے کہ یہ اقدام ویلیو چین کے تمام حصوں میں وسیع فوائد فراہم کرے گا، جس سے کسان شفاف قیمتوں کے اشاروں تک رسائی حاصل کریں گے، جبکہ تاجروں اور برآمد کنندگان کو معیاری کاری اور مؤثر رسک مینجمنٹ سے فائدہ ہوگا۔ درآمد کنندگان، پروسیسرز اور سرمایہ کار قابل اعتماد قیمتوں کے معیار اور دستاویزی، باقاعدہ لین دین سے مستفید ہوں گے۔ یہ تعاون قابلِ فراہمی گندم اور چاول کے فیوچر کنٹریکٹس سے شروع ہوگا۔

اہم زرعی تجارتی سرگرمیوں کو پی ایم ای ایکس کے پلیٹ فارم کے ساتھ منسلک کرنے سے توقع ہے کہ اس اقدام کے ثمرات پوری ویلیو چین (پیداواری و سپلائی کے سلسلے) تک پہنچیں گے۔ اس سے کسانوں کیلئے قیمتوں کے شفاف اشاروں تک رسائی ممکن ہو سکے گی جبکہ تاجر اور برآمد کنندگان کو معیار کی یکسانیت اور خطرات کے رسک مینجمنٹ سے فائدہ پہنچے گا۔ اس کے ساتھ ساتھ درآمد کنندگان، پروسیسرز اور سرمایہ کاروں کو قیمتوں کے معتبر پیمانے اور دستاویزی و ریگولیٹڈ لین دین کی سہولت میسر آئے گی۔

پی ایم ای ایکس پر ایک ایگری مارکیٹ میکر کی حیثیت سے، ’مسکے اینڈ فیمٹی ٹریڈنگ کمپنی‘ مسلسل دو طرفہ قیمتیں (خرید و فروخت کے ریٹس) فراہم کرے گی اور ایکسچینج پر زرعی اجناس کی بڑی مقدار لائے گی، جس سے مارکیٹ میں سرمائے کی روانی بڑھے گی، قیمتوں کے تعین میں بہتری آئے گی اور مارکیٹ کے شرکاء کے لیے قیمتوں کے اتار چڑھاؤ میں کمی واقع ہوگی۔ مارکیٹ میکرز خرید اور فروخت دونوں اطراف میں فعال شرکت کے ذریعے فیوچرز ٹریڈنگ میں گہرائی اور تسلسل کو یقینی بنانے میں کلیدی کردار ادا کرتے ہیں۔

2006 میں قائم ہونے والی مسکے اینڈ فیمٹی ٹرڈنگ کمپنی پاکستان کی معروف زرعی اجناس کی برآمد کنندگان میں سے ایک ہے جو گندم، مکئی اور تل کے ساتھ چاول پر بھی خاص توجہ رکھتی ہے۔ یہ کمپنی ملک کے دو سب سے بڑے ملرز میں شامل ہے اور سب سے بڑی فارم میکینائزیشن کمپنی بھی ہے، جو خریداری، پروسیسنگ، گودام داری اور برآمدات کا احاطہ کرتی ہے اور پاکستان بھر میں وسیع اسٹوریج اور لاجسٹکس انفراسٹرکچر رکھتی ہے۔

دستخطی تقریب میں پی ایم ای ایکس اور مسکے اینڈ فیمٹی ٹرڈنگ کمپنی کی انتظامیہ نے کہا کہ یہ شراکت داری پاکستان کی زرعی اجناس کی مارکیٹ کے ماحولیاتی نظام کو مضبوط بنانے کے مشترکہ مقصد کے مطابق ہے، جس کے تحت فزیکل زرعی سپلائی چینز کو ایکسچینج ٹریڈڈ مصنوعات سے فعال طور پر جوڑا جائے گا۔

کاپی رائٹ بزنس ریکارڈر 2026