جاپان نے ایٹمی صلاحیت کی تجویز کے بعد بھی جوہری ہتھیار نہ رکھنے کا عزم دہرادیا

جاپان نے کبھی بھی جوہری ہتھیار نہ رکھنے کے اپنے دہائیوں پرانے عزم کا اعادہ کیا ہے۔ مقامی میڈیا کی رپورٹ کے بعد ایک سینئر سیکیورٹی اہلکار نے تجویز پیش کی تھی کہ ممکنہ حملہ آوروں کو روکنے کے لیے ملک کو انہیں حاصل کرنا چاہیے۔

چیف کیبی نیٹ سیکریٹری مینورو کیہارا نے کہا کہ جاپان کی جوہری پالیسی میں کوئی تبدیلی نہیں آئی ہے ، تاہم اہلکار کے بیان پر تبصرہ کرنے یا اس کے مستقبل کے عہدے کے بارے میں کچھ نہیں کہا۔اپوزیشن نے اہلکار کو ہٹانے کا مطالبہ کیا ہے۔

جاپان میں عوام اور سیاسی حلقوں میں 3 غیر جوہری اصولوں یعنی جوہری ہتھیار رکھنا، ترقی دینا اور نہ ہی کسی کے ذریعے ملک میں جوہری ہتھیار آنے دینا میں نرمی کرنے کی بڑھتی خواہش دیکھی جا رہی ہے۔ امریکی سیکیورٹی ضمانتوں پر شکوک اور جوہری ہتھیار رکھنے والے پڑوسی ممالک چین، روس اور شمالی کوریا کے خطرات نے یہ بحث دوبارہ چھیڑدی ہے۔

حکمران جماعت کے بعض قانون ساز چاہتے ہیں کہ امریکہ جاپان میں جوہری ہتھیار لانے کی اجازت دے ،تاکہ روک تھام مضبوط ہو۔ سابق وزراء اور ماہرین کہتے ہیں کہ یہ موقع سیکیورٹی پالیسی میں ممکنہ تبدیلی پر اتفاق رائے بنانے کا ہے۔

ہیروشیما اور ناگاساکی کی بمباری اور ملک کے امن پسند آئین کے باعث یہ موضوع حساس ہے، جبکہ چین کے ساتھ تعلقات کشیدہ رہنے کا خطرہ بھی موجود ہے۔