پاکستان نے ’سفارتی پروٹوکول کی خلاف ورزی‘ پر ناروے کے سفیر کو طلب کر لیا

پاکستان نے جمعرات کے روز ناروے کے سفیر کو طلب کیا اور اسلام آباد میں ایک عدالتی سماعت میں ان کی “غیر ضروری” موجودگی پر اپنے تحفظات سے آگاہ کیا۔ یہ بات دفترِ خارجہ نے ایک بیان میں بتائی ہے۔

وزارتِ خارجہ کے جاری کردہ بیان کے مطابق سفیر کو ایڈیشنل فارن سیکریٹری (یورپ) نے طلب کیا اور آگاہ کیا کہ عدالت کی کارروائی میں ان کی موجودگی سفارتی پروٹوکول اور متعلقہ بین الاقوامی قانون کی خلاف ورزی کے زمرے میں آتی ہے۔

ترجمان طاہر‌ اندرا بی نے کہا ہے کہ سفیر کا یہ اقدام پاکستان کے داخلی معاملات میں مداخلت کے مترادف ہے۔ انہوں نے مزید کہا کہ سفیر پر زور دیا گیا کہ وہ ویانا کنونشن میں درج قائم شدہ سفارتی آداب کی پابندی کریں۔

وزارتِ خارجہ نے کہا ہے کہ پاکستان توقع کرتا ہے کہ تمام سفارتی مشنز ملکی قوانین کا احترام کریں اور پروٹوکول تقاضوں کی سختی سے پابندی کریں۔