BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
اداریہ

معاشی استحکام کے باجود غربت بڑھ گئی

اسٹیک ہولڈرز کے درمیان اس بات پر اتفاق ہے کہ پاکستان کے معاشی اشاریے نمایاں طور پر بہتر ہوئے ہیں تاہم یہ استحکام...
شائع اپ ڈیٹ

اسٹیک ہولڈرز کے درمیان اس بات پر اتفاق ہے کہ پاکستان کے معاشی اشاریے نمایاں طور پر بہتر ہوئے ہیں تاہم یہ استحکام عوام کے لیے بہتر معاشی حالات میں تبدیل نہیں ہوسکا۔ مہنگائی میں نمایاں کمی آئی ہے لیکن غربت کی سطح میں مسلسل اضافہ ہورہا ہے جو کہ تشویش کا باعث ہے۔

غربت میں کمی کے لیے عام طور پر پیش کیا جانے والا مؤقف یہ ہے کہ معاشی نمو کو تیز کیا جائے۔ مسئلہ یہ ہے کہ پاکستان اب تک اپنی خامیوں پر مبنی درآمدی ماڈل کو درست نہیں کرسکا۔ بیرونی مالی وسائل کی عدم موجودگی میں ایسی نمو بالآخر ایک اور معاشی بحران کو جنم دیتی ہے جو غربت میں مزید اضافہ کا باعث بنتی ہے۔ حکومت کو ماضی کی غلطیوں سے سبق سیکھتے ہوئے زیادہ محتاط اور دانشمندانہ پالیسیاں اپنانا ہوں گی۔

نئے چیلنجز بھی سامنے آ رہے ہیں۔ سیلاب سے قدرتی اقتصادی رفتار کے متاثر ہونے کا امکان ہے۔ افراطِ زر (مہنگائی) کا دباؤ پہلے ہی نظر آ رہا ہے، گزشتہ ماہ قیمتوں میں 2 فیصد سے زیادہ اضافہ ہوا ہے۔ اس کے نتیجے میں جی ڈی پی (مجموعی قومی پیداوار) کی شرح نمو سست ہو سکتی ہے، ٹیکس ریونیو (محصول) کا نقصان ہو سکتا ہے، اور بحالی کی کوششوں پر زیادہ اخراجات ہوسکتے ہیں۔ ایسے مالیاتی دباؤ نئی ٹیکس اقدامات کا باعث بن سکتے ہیں۔

آئی ایم ایف پہلے ہی محصولات میں کمی کو پورا کرنے کے لیے اضافی ٹیکس عائد کرنے پر زور دے رہا ہے تاہم حکومت اس حوالے سے تذبذب کا شکار دکھائی دیتی ہے۔ اسلام آباد میں عمومی تاثر یہ ہے کہ حالیہ دفاعی معاہدے پر دستخط کے بعد سعودی عرب کی مدد پر زیادہ انحصار کیا جائے گا۔

تاہم خود اطمینانی کی کوئی گنجائش نہیں۔ پاکستان کو اپنی بہتر ہوتی جغرافیائی و سیاسی حیثیت پر حد سے زیادہ انحصار نہیں کرنا چاہیے۔ سرمایہ کاری صرف اُس وقت آتی ہے جب تجارتی منافع کے واضح امکانات موجود ہوں اور فی الحال پاکستان کے پاس مضبوط معاشی نمو کی کوئی واضح کہانی نہیں ہے۔ معیشت کے کئی شعبے سست روی کا شکار ہیں، متوسط طبقہ سکڑرہا ہے اور مارکیٹ کا دائرہ بھی محدود ہوتا جارہا ہے۔ ملک ابھی تک اُن شعبوں میں خاطر خواہ سرمایہ کاری کے لیے تیار نہیں جو کارکردگی میں بہتری کے متقاضی ہیں۔ اس مقصد کے لیے سب سے پہلے توانائی شعبے میں اصلاحات کے ذریعے پیداواری کمزوریوں کو دور کرنا ہوگا۔

بجلی تقسیم کار کمپنیوں (ڈسکوز) کی نجکاری اور ان کی ریگولیشن میں نرمی ناگزیر ہے۔ حکومت کو صنعتی صارفین کو زبردستی قومی گرڈ سے منسلک کرنے کا سلسلہ بند کرنا ہوگا کیونکہ جب تک توانائی کی لاگت کم نہیں ہوگی، کارکردگی پر مبنی سرمایہ کاری ممکن نہیں۔ فارمل کاروبار کے لیے براہِ راست اور بالواسطہ دونوں طرح کے ٹیکس نظام کی اصلاح بھی نہایت اہم ہے۔ حکومت کو چاہیے کہ وفاقی اور صوبائی سطح پر اپنے حجم میں کمی لائے تاکہ قلیل مدت میں محصولات کے نقصان کا ازالہ کیا جاسکے، ضوابط کو سادہ بنایا جائے اور ایک واضح اور مؤثر صنعتی پالیسی متعارف کرائی جائے۔

پاکستان کو ایک ایسی برآمدات پر مبنی معاشی نمو کے ماڈل کی ضرورت ہے جو روزگار کے مواقع بھی پیدا کرے۔ بامعنی اصلاحات کے بغیر ڈالرز کی آمد کی توقع غیر حقیقی ہے۔ خطرہ یہ ہے کہ حکومت چند ارب ڈالر کی امداد ملنے کے بعد دوبارہ پرانی روش اختیار کرلے اور غیر پائیدار معاشی نمو کے دروازے کھول دے۔ اقتدار میں موجود سیاسی جماعتوں کو مالیاتی محرکات اور ناقص ریلیف پیکیجز کے ذریعے عوامی مقبولیت حاصل کرنے کی خواہش ہوسکتی ہے مگر یہ حکمتِ عملی بارہا ناکام ثابت ہو چکی ہے۔

یہ حقیقت ہے کہ غربت میں کمی کا کوئی شارٹ کٹ موجود نہیں۔ عارضی اور فوری ترقی خوشحالی کا ایک دھوکہ پیدا کرتی ہے جس سے صرف اشرافیہ فائدہ اٹھاتی ہے جبکہ اگلے معاشی بحران سے پہلے یہ ثمرات غریب طبقے تک شاذ و نادر ہی پہنچ پاتے ہیں۔ حکومت کو اپنی ترقیاتی حکمتِ عملی پر ازسرِنو غور کرنا ہوگا اور نچلی سطح سے آغاز کرنے والا ایسا ماڈل اپنانا ہوگا جو جامع اور پائیدار معاشی نمو کو فروغ دے۔

کاپی رائٹ بزنس ریکارڈر 2025

Comments

Comments are closed.