پاکستان نومبر میں پہلی بار ٹی ٹوئنٹی ٹرائی سیریز کی میزبانی کرے گا، سرلنکا اور افغانستان شامل ہونگے

پاکستان کرکٹ بورڈ (پی سی بی) نے اتوار کو اعلان کیا ہے کہ پاکستان نومبر میں اپنی تاریخ کی پہلی ٹی ٹوئنٹی انٹرنیشنل ٹرائی سیریز کی میزبانی کرے گا، جس میں افغانستان اور سری لنکا کی ٹیمیں شامل ہوں گی۔

پی سی بی کے بیان کے مطابق یہ ٹورنامنٹ 17 سے 29 نومبر تک راولپنڈی اور لاہور میں کھیلا جائے گا اور آئی سی سی مینز ٹی ٹوئنٹی ورلڈ کپ، جو آئندہ سال بھارت اور سری لنکا میں ہوگا، کی تیاری کے طور پر کام آئے گا۔

افتتاحی میچ 17 نومبر کو راولپنڈی میں پاکستان اور افغانستان کے درمیان ہوگا۔ یہ افغانستان کا پاکستان میں پہلا ٹی ٹوئنٹی انٹرنیشنل ہوگا، اس سے قبل وہ پاکستان میں پانچ ون ڈے انٹرنیشنل کھیل چکا ہے۔

19 نومبر کو راولپنڈی میں سری لنکا اور افغانستان مدِ مقابل ہوں گے، اس کے بعد ایونٹ لاہور منتقل ہوگا جہاں باقی پانچ میچز سمیت 29 نومبر کو فائنل قذافی اسٹیڈیم میں کھیلا جائے گا۔

پی سی بی کے چیف آپریٹنگ آفیسر، سمیر احمد سید نے کہا جی سری لنکا اور افغانستان کی میزبانی کرتے ہوئے پاکستان کی پہلی ٹی ٹوئنٹی انٹرنیشنل ٹرائی سیریز نہ صرف ورلڈ کپ کی تیاری میں مددگار ہوگی بلکہ شائقین کو اپنے ملک میں دلچسپ کرکٹ دیکھنے کا موقع بھی ملے گا۔

ٹرائی سیریز سے پہلے پاکستان 12 اکتوبر سے 8 نومبر تک ساؤتھ افریقہ کی میزبانی کرے گا، جس میں دو ٹیسٹ، تین ٹی ٹوئنٹی اور تین ون ڈے میچز شامل ہیں جو آئی سی سی ورلڈ ٹیسٹ چیمپئن شپ سائیکل کا حصہ ہیں۔

ٹرائی سیریز کا شیڈول:

17 نومبر: پاکستان بمقابلہ افغانستان، راولپنڈی

19 نومبر: سری لنکا بمقابلہ افغانستان، راولپنڈی

22 نومبر: پاکستان بمقابلہ سری لنکا، لاہور

23 نومبر: پاکستان بمقابلہ افغانستان، لاہور

25 نومبر: سری لنکا بمقابلہ افغانستان، لاہور

27 نومبر: پاکستان بمقابلہ سری لنکا، لاہور

29 نومبر: فائنل، لاہور