بنگلادیش کے پاس روہنگیا پناہ گزینوں کیلئے مزید وسائل نہیں، محمد یونس

چيف ایڈوائزر محمد یونس نے پیر کو کہا ہے کہ بنگلہ دیش کے لیے اپنے 13 لاکھ روہنگیا پناہ گزینوں کے لیے مزید وسائل مختص کرنے کی کوئی گنجائش نہیں ہے اور بین الاقوامی برادری سے اس بحران کا پائیدار حل تلاش کرنے کا مطالبہ کیا۔

محمد یونس نے کہا کہ بچوں کی تعداد اس پناہ گزین آبادی کا نصف ہے، جو 2017 میں میانمار کی بدھ اکثریتی ریاست میں فوجی کریک ڈاؤن کے بعد بنگلہ دیش میں آئے، جسے اقوام متحدہ کے محققین نے نسلی کشی کی مثال قرار دیا۔

نوبل امن انعام یافتہ اور ملک کے عملی وزیراعظم محمد یونس نے کہا کہ پناہ گزینوں کی میزبانی نے بنگلہ دیش کی معیشت، ماحولیات اور گورننس پر شدید دباؤ ڈالا ہے۔ انہوں نے کہا کہ ہم اپنے متعدد چیلنجز کے پیش نظر گھریلو وسائل سے مزید وسائل کے حصول کی کوئی گنجائش نہیں دیکھتے۔

محمد یونس نے بین الاقوامی برادری سے مطالبہ کیا کہ پناہ گزینوں کی واپسی کے لیے عملی روڈ میپ تیار کیا جائے اور کہا کہ روہنگیا مسئلہ اور اس کے پائیدار حل کو عالمی ایجنڈے پر زندہ رکھا جانا چاہیے، کیونکہ انہیں گھر واپس جانے تک ہماری حمایت کی ضرورت ہے۔

یہ تبصرے اس بات کا نشان ہیں کہ پناہ گزینوں کے پہلے بڑے ریلوں کے آٹھ سال مکمل ہو گئے ہیں، جب 7 لاکھ سے زائد روہنگیا چند دنوں میں پہنچ گئے اور کوکس بازار کے علاقے کو دنیا کا سب سے بڑا پناہ گزین کیمپ بنا دیا۔

گزشتہ سال میانمار کے رخائن ریاست سے مزید 1.5 لاکھ پناہ گزین بنگلہ دیش پہنچے، جہاں فوج اور ارکان آرمی کے درمیان لڑائی شدت اختیار کر گئی ہے۔