BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
پاکستان

امریکہ نے پاکستان پر ٹیرف 29 فیصد سے کم کرکے 19 فیصد کر دیا

  • نظرثانی شدہ ٹیرف بھارت پر عائد 25 فیصد سے کم ہے
شائع اپ ڈیٹ

امریکی حکومت نے پاکستانی مصنوعات پر 19 فیصد کا ٹیرف عائد کر دیا ہے، جو ابتدائی طور پر تجویز کردہ 29 فیصد ٹیرف سے کافی کم ہے۔ یہ فیصلہ صدر ڈونلڈ ٹرمپ کی جانب سے جمعرات کو دستخط شدہ ایک نئے وسیع تر ایگزیکٹو آرڈر کے تحت کیا گیا۔

صدر ٹرمپ نے درجنوں ممالک سے درآمد کی جانے والی اشیاء پر 41 فیصد تک کے نئے ٹیرف کا اعلان کیا، جس میں پاکستان بھی شامل ہے۔ ان کا کہنا تھا کہ دوطرفہ تجارتی تعلقات میں مسلسل عدم توازن اور باہمی رعایت کی کمی اس اقدام کی بنیادی وجوہات ہیں۔

ایگزیکٹو آرڈر میں کہا گیا کہ امریکہ کے سامانِ تجارت کے سالانہ اور مسلسل خسارے کی عکاسی کرنے والے حالات، امریکہ کی قومی سلامتی اور معیشت کے لیے ایک غیر معمولی اور غیر روایتی خطرہ ہیں۔

پاکستان کے لیے نیا 19 فیصد ٹیرف خطے کے کئی دیگر ممالک کے مقابلے میں کم ہے، بھارت: 25 فیصد، بنگلہ دیش: 20 فیصد، ویتنام: 20 فیصد، سری لنکا: 20 فیصد۔

یہ پیش رفت ایسے وقت میں سامنے آئی ہے جب ایک روز قبل ہی امریکہ اور پاکستان کے درمیان ایک معاہدہ طے پایا، جس کے تحت دونوں ممالک پاکستان کے تیل کے ذخائر کی ترقی کے لیے مشترکہ کام کریں گے۔

صدر ٹرمپ نے سوشل میڈیا پر کہا ”ہم نے ابھی پاکستان کے ساتھ ایک معاہدہ طے کیا ہے، جس کے تحت پاکستان اور امریکہ مل کر ان کے بڑے تیل کے ذخائر پر کام کریں گے۔ ہم اس وقت اس آئل کمپنی کا انتخاب کر رہے ہیں جو اس شراکت داری کی قیادت کرے گی۔ ہو سکتا ہے کہ وہ مستقبل میں بھارت کو بھی تیل بیچیں!“

اسلام آباد نے اس معاہدے کو واشنگٹن کے ساتھ ایک وسیع تر شراکت داری کی علامت قرار دیا۔ پاکستان کے وزیر خزانہ محمد اورنگزیب، جنہوں نے مذاکرات کے آخری مرحلے کی قیادت کی، نے کہا کہ یہ صرف تجارتی مفادات تک محدود معاہدہ نہیں بلکہ وسیع تر اقتصادی اور اسٹرٹیجک معاہدہ ہے۔

انہوں نے ایک ویڈیو بیان میں کہا کہ ہماری نظر میں یہ ہمیشہ صرف تجارتی مفادات سے آگے کی بات تھی، اور اس کا اصل مقصد یہی تھا کہ تجارت اور سرمایہ کاری کو ساتھ لے کر آگے بڑھایا جائے۔

یاد رہے کہ اپریل میں واشنگٹن کی جانب سے دنیا بھر کے کئی ممالک پر نئی ٹیرف شرحیں عائد کی گئی تھیں جن کے تحت پاکستان کو بھی 29 فیصد ٹیرف کا سامنا کرنا پڑ سکتا تھا۔ تاہم ان ٹیرف کو 90 دن کے لیے معطل کر دیا گیا تاکہ مذاکرات کا موقع دیا جا سکے۔

2024 میں پاکستان کو امریکہ کے ساتھ تقریباً 3 ارب ڈالر کا تجارتی سرپلس حاصل ہوا، جس کی بڑی وجہ ٹیکسٹائل برآمدات تھیں۔ امریکہ پاکستانی ٹیکسٹائل مصنوعات کی سب سے بڑی منڈی ہے۔

Comments

Comments are closed.