او ایم انٹرنیشنل کا گریز لیزنگ میں اکثریتی حصص حاصل کرنے کا فیصلہ

گریز لیزنگ لمیٹڈ نے بدھ کو اعلان کیا ہے کہ اسے او ایم انٹرنیشنل پرائیویٹ لمیٹڈ کی جانب سے کمپنی کے 75.43 فیصد یعنی 1 کروڑ 62 لاکھ 17 ہزار 566 عام حصص کے حصول کی پختہ پیشکش موصول ہوئی ہے۔

کمپنی نے اس اہم پیش رفت سے پاکستان اسٹاک ایکسچینج کو ایک باضابطہ نوٹس کے ذریعے آگاہ کیا۔

او ایم انٹرنیشنل نے گریز لیزنگ میں ایسا کنٹرول حاصل کرنے کا ارادہ ظاہر کیا ہے جو سیکیورٹیز ایکٹ 2015 کی دفعہ 111 کے تحت مقررہ حدود سے تجاوز کرتا ہے۔

نوٹس کے مطابق یہ ارادہ 29 جولائی 2025 کو گریز لیزنگ کے بورڈ آف ڈائریکٹرز کو باضابطہ طور پر مطلع کر دیا گیا تھا۔

گریز لیزنگ لمیٹڈ ایک پبلک لمیٹڈ کمپنی ہے جو کمپنیز آرڈیننس 1984 (جو اب کمپنیز ایکٹ 2017 میں ضم ہو چکا ہے) کے تحت پاکستان میں قائم کی گئی۔

کمپنی لیزنگ کے شعبے سے منسلک ہے اور اسے ایک نان بینکنگ فنانس کمپنی (NBFC) کے طور پر درجہ بندی حاصل ہے۔