ایس اینڈ پی نے ٹیکس میں اضافہ واپس لینے پر کینیا کی کریڈٹ ریٹنگ کم کردی

امریکی ریٹنگ ایجنسی ایس اینڈ پی نے صدر ولیم روٹو کی جانب سے متنازع فنانس بل کو منسوخ کرنے کے فیصلے کا حوالہ دیتے ہوئے کینیا کی کریڈٹ ریٹنگ کم کردی ہے۔ ریٹنگ ایجنسی نے جمعے کے روز کہا کہ ایس اینڈ پی گلوبل ریٹنگز نے کینیا پر اپنی طویل مدتی خودمختار کریڈٹ ریٹنگ کو بی سے گھٹا کر بی کر دیا ہے۔

ایک بیان میں کہا گیا ہے کہ یہ درجہ بندی ہمارے اس نقطہ نظر کی عکاسی کرتی ہے کہ حکومت کی جانب سے 2024/2025 کے فنانس بل کے تحت مجوزہ تمام ٹیکس اقدامات کو منسوخ کرنے کے فیصلے کے بعد کینیا کا درمیانی مدت کا مالیاتی اور قرضوں کا منظر نامہ خراب ہو جائے گا۔

ایجنسی نے توقع کے مطابق ”مضبوط اقتصادی نمو اور رعایتی بیرونی فنانسنگ تک مسلسل رسائی“ کا حوالہ دیتے ہوئے کہا کہ نقطہ نظر ”مستحکم“ ہے۔

تاہم اس میں مزید کہا گیا ہے کہ کینیا کا ساختی طور پر بڑا بیرونی عدم توازن ایک اہم خطرہ ہے۔

کینیا کے انسانی حقوق کے گروپوں کے مطابق روٹو نے ابتدائی طور پر پرامن اور نوجوانوں کی قیادت میں ملک گیر ریلیوں کے پرتشدد ہونے کے بعد ٹیکسوں میں غیر مقبول اضافے کو منسوخ کر دیا تھا جس میں 60 سے زائد افراد ہلاک ہو گئے تھے۔