کولمبیا کا یروشلم میں سفارت خانہ دوبارہ کھل گیا، اسرائیل سے آزاد تجارتی معاہدہ بحال
- کولمبیا کے صدر ابیلاردو ڈی لا ایسپریلا نے یروشلم میں ملک کا سفارت خانہ دوبارہ کھول دیا ہے، جس کے ساتھ اسرائیل سے سفارتی تعلقات میں سابقہ تبدیلی کو واپس لیتے ہوئے آزاد تجارتی معاہدہ بھی بحال کردیا گیا ہے
کولمبیا نے یروشلم میں اپنا سفارت خانہ کھول دیا، جس کے بعد وہ ایسا کرنے والا دسواں ملک بن گیا ہے۔ کولمبیا کے نئے صدر ابیلاردو دے لا ایسپرییلا نے اپنے پیش رو کی اسرائیل سے تعلقات منقطع کرنے کی پالیسی تبدیل کرتے ہوئے دونوں ممالک کے درمیان آزاد تجارتی معاہدہ بھی بحال کردیا ہے۔
بیشتر ممالک کے اسرائیل میں سفارت خانے تل ابیب میں قائم ہیں۔ اسرائیل یروشلم کو اپنا دارالحکومت قرار دیتا ہے، جبکہ فلسطینی مشرقی یروشلم کو مستقبل کی آزاد فلسطینی ریاست کا دارالحکومت بنانا چاہتے ہیں۔ شہر کی حیثیت اسرائیل فلسطین تنازعے کے اہم ترین اور متنازع معاملات میں شامل ہے۔
کولمبیا کے سابق صدر گستاوو پیٹرو نے غزہ میں اسرائیلی کارروائیوں کے خلاف مئی 2024 میں اسرائیل سے سفارتی تعلقات منقطع کردیے تھے اور وزیراعظم بینجمن نیتن یاہو پر سخت تنقید کی تھی۔ پیٹرو نے تل ابیب میں کولمبیا کا سفارت خانہ بند کرکے اپنے سفیر کو واپس بلا لیا تھا۔ اسرائیل نے اس اقدام کو یہود مخالف قرار دیتے ہوئے کہا تھا کہ اس سے حماس کو فائدہ پہنچا ہے۔
دائیں بازو سے تعلق رکھنے والے ابیلاردو دے لا ایسپرییلا نے اگست میں صدارت سنبھالی۔ منگل کو پیٹرو دور میں ختم کیا گیا آزاد تجارتی معاہدہ بھی بحال کردیا گیا۔