ملائیشین پام آئل کی قیمتوں میں اضافہ

ملائیشین پام آئل کی قیمتوں میں بدھ کو اضافہ ریکارڈ کیا گیا۔

تفصیلات کے مطابق ملائیشیم پام آئل یوچرز میں بدھ کو مسلسل دوسرے سیشن میں معمولی اضافہ ہوا جس کی وجہ اہم برآمدی منڈیوں میں برآمدات مضبوط رہنے کی توقعات ہیں، تاہم سویا آئل اور خام تیل کی قیمتوں میں کمی نے اس اضافے کو محدود رکھا۔

برسا ملائیشیا ڈیریویٹوز ایکسچینج میں پام آئل کا اکتوبر ڈلیوری کا بینچ مارک کنٹریکٹ دوپہر کے وقفے تک 14 رنگٹ یعنی 0.3 فیصد اضافے سے 4,710 رنگٹ (1,151.87 ڈالر) فی میٹرک ٹن پر پہنچ گیا۔ منگل کو اس کنٹریکٹ میں 1.45 فیصد اضافہ ہوا تھا۔

کوالالمپور میں قائم تجارتی فرم آئس برگ ایکس ایس ڈی این بی ایچ ڈی کے پروپرائٹری ٹریڈر ڈیوڈ نگ نے کہا کہ خام پام آئل کے فیوچرز میں مضبوط برآمدی کارکردگی کی توقعات کے باعث اضافہ ہوا، تاہم سویا آئل اور خام تیل کی کمزور قیمتیں مارکیٹ کے رجحان پر دباؤ برقرار رکھ سکتی ہیں۔

پام آئل کی قیمتیں دیگر خوردنی تیلوں کی قیمتوں میں ہونے والی نقل و حرکت کی پیروی کرتی ہیں کیونکہ عالمی سبزیاتی تیل کی منڈی میں پام آئل دیگر تیلوں کے ساتھ مسابقت کرتا جبکہ خام تیل کے فیوچرز کی کمزور قیمتیں پام آئل کو بایو ڈیزل کے خام مال کے طور پر کم پرکشش بنا دیتی ہیں۔