کینیا کے اسکول میں آتشزدگی سے 15 طالبات ہلاک

کینیا کے وسطی علاقے ناکورو میں ایک ڈارمیٹری (طلبہ کی رہائشی عمارت) میں آگ لگنے کے واقعے میں کم از کم 15 طالبات ہلاک ہو گئیں۔ پولیس نے اس واقعے کی تصدیق کی ہے۔

واقعے میں متعدد طالبات زخمی بھی ہوئیں جن کی صحیح تعداد تباٹھی معلوم نہیں ہوسکی۔ رپورٹ میں کہا گیا ہے کہ آگ لگنے کی وجوہات فی الحال معلوم نہیں ہو سکی ہیں۔ مقامی میڈیا سٹیزن ٹیلی ویژن کی جانب سے دکھائی جانے والی فوٹیج میں اسکول کی ٹوٹی ہوئی کھڑکیاں اور دھوئیں سے جھلسی ہوئی دیواریں دیکھی جا سکتی ہیں۔

رپورٹ کے مطابق ہنگامی امدادی ٹیمیں اٹومیشی گرلز اکیڈمی کے ڈارمیٹری میں سرچ آپریشن کر رہی تھیں، جہاں آگ تقریباً رات 1 بجے (2200 جی ایم ٹی) کے قریب لگی۔ ریڈیو اسٹیشن کیپیٹل ایف ایم نے علاقائی پولیس کمانڈر سیموئل ندانئی کے حوالے سے یہ اطلاعات دیں۔

کاؤنٹی پولیس اہلکار مسعود موئینی نے اسکول کے باہر پریشان والدین سے بات کرتے ہوئے کہا کہ یہ انتہائی افسوسناک اور دل دہلا دینے والا واقعہ ہے۔

فائر فائٹرز اور پولیس اہلکار آگ پر قابو پانے اور دیگر طالبات کو محفوظ مقام پر منتقل کرنے کے لیے موقع پر موجود رہے۔ آگ لگنے کی وجہ تاحال معلوم نہیں ہو سکی۔

واضح رہے کہ 2024 میں بھی اسی قریبی علاقے نییری کاؤنٹی میں ایک بورڈنگ اسکول میں آگ لگنے سے 21 طلبہ جاں بحق ہو گئے تھے۔