بھارتی پروازوں کیلئے پاکستانی فضائی حدود مئی کے آخر تک بند رہے گی

پاکستان ایئرپورٹس اتھارٹی (پی اے اے) کی جانب سے جاری کیے گئے ایک تازہ نوٹم کے مطابق پاکستانی فضائی حدود بھارتی رجسٹرڈ طیاروں، بھارتی ایئرلائنز اور آپریٹرز، بشمول فوجی پروازوں کے لیے بند رہیں گی۔

نوٹیفکیشن میں کہا گیا ہے کہ یہ پابندی اب 24 مئی کو صبح 4:59 بجے تک برقرار رہے گی۔

پاکستان نے اس سے قبل بھی گزشتہ ماہ اسی نوعیت کا نوٹم جاری کیا تھا، جس میں بھارتی طیاروں کے لیے فضائی حدود کی بندش کو 24 اپریل تک بڑھایا گیا تھا۔

اعلامیے کے مطابق پاکستانی فضائی حدود بھارت میں رجسٹرڈ تمام طیاروں کے ساتھ ساتھ بھارتی ایئرلائنز اور آپریٹرز کی ملکیت، آپریٹ یا لیز پر لیے گئے طیاروں کے لیے دستیاب نہیں ہوں گی۔

یہ پابندی وسیع نوعیت کی ہے اور اس میں بھارتی فوجی پروازیں بھی شامل ہیں، جس سے دونوں ممالک کے درمیان جاری فضائی پابندیوں کی تسلسل کی تصدیق ہوتی ہے۔

یہ فضائی حدود کی بندش 18 مارچ سے نافذ العمل ہے اور 23 اپریل رات 11:59 (ای ایس ٹی) تک برقرار رہی، جبکہ اب اسے مزید توسیع دے دی گئی ہے۔