حاجی محمد اسماعیل ملز لمیٹڈ نے جمعرات کو اعلان کیا کہ وہ ایک خوشحال کمپنی کے ساتھ انضمام پر غور کر رہی ہے اور اس سلسلے میں کچھ قراردادیں بھی منظور کی گئی ہیں۔
کمپنی نے یہ پیش رفت پاکستان اسٹاک ایکسچینج (پی ایس ایکس) کو بھیجے گئے ایک نوٹس میں شیئر کی۔
جمعرات کو ہونے والے اجلاس میں کمپنی نے قرار دیا کہ بحالی کے منصوبے کا تفصیلی جائزہ لیا جائے گا اور اگر یہ کمپنی اور اس کے شیئر ہولڈرز کے بہترین مفاد میں قابلِ عمل ہوا تو اسے عملی جامہ پہنایا جائے گا۔
مزید کہا گیا کہ اس منصوبے کی منظوری کمپنی کے شیئر ہولڈرز سے لی جائے گی۔
کمپنی کا بنیادی کاروبار یارن کی تیاری اور فروخت کے ساتھ ساتھ بجلی پیداوار تھا۔
بعد ازاں 2017 میں مینجمنٹ نے میمورنڈم آف ایسوسی ایشن میں نئی شقیں شامل کیں، جن کے مطابق کمپنی نے ٹیکسٹائل/بجلی پیداوار سے اپنی سرگرمیاں بڑھا کر فاسٹ موونگ کنزیومر گڈز (ایف ایم سی جی) کی تجارت و تقسیم اور دیگر قانونی کاروباری مقاصد تک وسعت دی۔