ڈالر کے مقابلے روپے کی مثبت پیش رفت جاری

انٹربینک مارکیٹ میں جمعہ کو ڈالر کے مقابلے روپے کی قدر میں 0.01 فیصد کا اضافہ ریکارڈ کیا گیا۔

کاروبار کے اختتام پر ڈالر کے مقابلے روپیہ 4 پیسے کی بہتری سے 281.37 پر جاپہنچا۔

یاد رہے کہ جمعرات کو مقامی کرنسی 281.41 پر بند ہوئی تھی۔

بین الاقوامی سطح پر امریکہ کے توقع سے بہتر ڈیٹا کے بعد جمعہ کو امریکی ڈالر نے اپنی مضبوطی پر برقرار رہا جس نے فیڈرل ریزرو کی جانب سے اس سال مزید نرمی کی توقعات کو کم کردیا۔

ڈالر انڈیکس پچھلے سیشن میں 0.6 فیصد بڑھ گیا، امریکی معاشی ترقی، بے روزگاری کے دعووں، پائیدار اشیا اور تھوک کے ذخائر کے اعداد و شمار سب توقعات سے بہتر رہے۔

امریکی صدر ڈونلڈ ٹرمپ کی جانب سے نئے محصولات کے اعلان کے بعد جاپانی ین آٹھ ہفتوں کی کم ترین سطح پر ٹریڈ ہوا۔ اب توجہ جمعہ کو جاری ہونے والے امریکی صارفین کے اخراجات کے اعدادوشمار پر مرکوز ہے، تاکہ اس بات کے اشارے مل سکیں کہ معیشت کو فیڈ کی جانب سے اضافی محرکات کی کتنی فوری ضرورت ہے۔

ڈالر انڈیکس 98.473 پر مستحکم رہا، جو تین ہفتوں کی بلند ترین سطح کے قریب ہے اور اس ہفتے 0.8 فیصد اضافے کی راہ پر گامزن ہے۔

امریکی ڈالر 149.81 ین پر تقریباً بغیر تبدیلی کے رہا، جو یکم اگست کے بعد پہلی بار 150 کی حد عبور کرنے کے قریب پہنچ گیا تھا۔ یورو جمعرات کو 0.6 فیصد کمی کے بعد 1.1665 ڈالر پر موجود تھا۔

ابھی مارکیٹ اکتوبر میں فیڈ کی جانب سے 25 بیسز پوائنٹس کی شرح سود میں کمی کے 87.7 فیصد امکانات ظاہر کررہی ہے، جو بدھ کو بتائے گئے 90 تا 92 فیصد امکانات سے کم ہے۔