اسٹیٹ بینک کے زرمبادلہ ذخائر تقریبا پانچ ماہ کی کم ترین سطح پر

اسٹیٹ بینک آف پاکستان (ایس بی پی) کے زرمبادلہ کے ذخائر ہفتہ وار بنیادوں پر 15 کروڑ 20 لاکھ ڈالر کم ہو کر 7 مارچ کو ختم ہونے والے کاروباری ہفتے میں 11 ارب 10 کروڑ ڈالر رہ گئے۔ یہ بات جمعرات کو مرکزی بینک کی جانب سے جاری تازہ اعداد و شمار میں بتائی گئی ہے۔

ملک کے مجموعی مائع زرمبادلہ کے ذخائر 15.93 ارب ڈالر رہے۔ کمرشل بینکوں کے خالص زرمبادلہ کے ذخائر 4.83 ارب ڈالر رہے۔

اس طرح اسٹیٹ بینک کے پاس موجود زرمبادلہ کے ذخائر تقریبا پانچ ماہ کی کم ترین سطح پر پہنچ گئے ہیں۔

مرکزی بینک نے ذخائر میں کمی کی وجہ قرضوں کی ادائیگی کو قرار دیا۔

اعلامیے کے مطابق 7 مارچ 2025 کو ختم ہونے والے ہفتے کے دوران اسٹیٹ بینک کے ذخائر 15 کروڑ 20 لاکھ ڈالر کم ہو کر 11 ہزار 97.9 ملین ڈالر رہ گئے۔

گزشتہ ہفتے اسٹیٹ بینک کے زرمبادلہ کے ذخائر میں 2کروڑ 70لاکھ ڈالر کا اضافہ ہوا تھا۔