سونے کی قیمت میں ایک بار پھر بڑا اضافہ

عالمی و مقامی مارکیٹوں میں جمعرات کو سونے کی قیمتوں میں بڑا اضافہ ریکارڈ کیا گیا۔

عالمی بلین مارکیٹ میں سونا 27 ڈالر کے اضافے سے 2942 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 2800 روپے کے بڑے اضافے سے 3 لاکھ 9 ہزار 300 روپے پر جاپہنچا۔

اسی طرح دس گرام سونا 2400 روپے کے اضافے سے 2 لاکھ 65 ہزار 174 روپے کا ہوگیا۔

یاد رہے کہ بدھ کو سونے کی فی تولہ قیمت 500 روپے کے اضافے سے 3 لاکھ 6 ہزار 500 روپے ہوگئی تھی ۔

دریں اثنا چاندی کی فی تولہ قیمت 3440 روپے پر مستحکم رہی۔