BR100 Increased By (0.58%)
BR30 Increased By (0.3%)
KSE100 Increased By (0.35%)
KSE30 Increased By (0.48%)
BAFL 59.70 Decreased By ▼ -0.29 (-0.48%)
BIPL 24.38 Decreased By ▼ -0.05 (-0.2%)
BOP 31.26 No Change ▼ 0.00 (0%)
CNERGY 11.73 Decreased By ▼ -0.10 (-0.85%)
DFML 16.41 Increased By ▲ 0.09 (0.55%)
DGKC 204.00 Increased By ▲ 2.13 (1.06%)
FABL 94.05 Increased By ▲ 0.19 (0.2%)
FCCL 59.93 Increased By ▲ 0.64 (1.08%)
FFL 14.28 Increased By ▲ 0.13 (0.92%)
GGL 19.13 Decreased By ▼ -0.35 (-1.8%)
HBL 303.47 Decreased By ▼ -0.03 (-0.01%)
HUBC 209.81 Increased By ▲ 3.45 (1.67%)
HUMNL 8.25 Increased By ▲ 0.13 (1.6%)
KEL 6.08 Decreased By ▼ -0.07 (-1.14%)
LOTCHEM 25.73 Decreased By ▼ -0.01 (-0.04%)
MLCF 105.81 Increased By ▲ 2.56 (2.48%)
OGDC 312.55 Decreased By ▼ -0.24 (-0.08%)
PAEL 34.24 Decreased By ▼ -0.59 (-1.69%)
PIBTL 13.62 Decreased By ▼ -0.10 (-0.73%)
PIOC 277.50 Increased By ▲ 7.83 (2.9%)
PPL 223.35 Increased By ▲ 0.73 (0.33%)
PRL 80.99 Decreased By ▼ -1.17 (-1.42%)
SNGP 91.38 Decreased By ▼ -0.03 (-0.03%)
SSGC 23.91 Decreased By ▼ -0.02 (-0.08%)
TELE 7.48 Increased By ▲ 0.16 (2.19%)
TPLP 12.83 Increased By ▲ 0.07 (0.55%)
TRG 52.81 Increased By ▲ 0.02 (0.04%)
UNITY 8.46 Decreased By ▼ -0.02 (-0.24%)
WTL 1.35 Decreased By ▼ -0.04 (-2.88%)

ضلعی تعلیمی اتھارٹی (ڈی ای اے) راولپنڈی کی جانب سے خطرناک قرار دی گئی 143 اسکولوں کی عمارتوں کا تفصیلی سروے کرانے کا فیصلہ خوش آئند اقدام ہے۔ تعلیمی ادارے چلانے والے حکام کی اولین ذمہ داری ہونی چاہیے کہ بچوں، اساتذہ اور دیگر اسکول ملازمین کی حفاظت یقینی بنائیں اور اس معاملے میں کسی قسم کا سمجھوتہ نہ کیا جائے۔

پاکستان میں گزشتہ چند برسوں کے دوران اسکولوں اور ٹیوشن سینٹرز کی عمارتیں منہدم ہونے کے کئی افسوس ناک واقعات پیش آچکے ہیں جن میں معصوم بچے جاں بحق جبکہ اساتذہ اور معاون عملے سمیت متعدد افراد زخمی ہوئے۔ ان سانحات کی شدت خاص طور پر تشویش ناک ہے۔ مئی 2026 میں ڈیرہ غازی خان کے ایک نجی اسکول کے کلاس روم کی چھت گرنے سے کم از کم چار بچے جاں بحق اور 20 افراد زخمی ہوگئے تھے۔

اس واقعے کے بمشکل دو ماہ بعد لاہور کے علاقے کاہنہ میں ایک نجی ٹیوشن سینٹر کی چھت گرنے سے 14 بچے جاں بحق ہوگئے۔ اس سے بھی حالیہ واقعے میں پشاور کے ایک اسکول کی چھت منہدم ہونے سے 33 افراد جان کی بازی ہار گئے جن میں 32 طلبہ اور ایک خاتون ٹیچر شامل تھیں۔ یہ دلخراش واقعات غفلت، غیر محفوظ تعمیرات اور عمارتوں کی حفاظت سے متعلق ضوابط پر ناکافی عملدرآمد کے سنگین نتائج کو اجاگر کرتے ہیں۔

اس تناظر میں راولپنڈی انتظامیہ کا سرکاری اور نجی تعلیمی اداروں کا معائنہ کرنے، غیر محفوظ عمارتوں کی نشاندہی کرنے اور طلبہ کو ممکنہ طور پر خطرناک کلاس رومز سے محفوظ مقامات پر منتقل کرنے کا فیصلہ قابلِ تحسین ہے۔ یہ امر خاص طور پر اطمینان بخش ہے کہ طلبہ کو خطرناک کمروں میں کلاسیں جاری رکھنے دینے کے بجائے محفوظ کمروں میں منتقل کردیا گیا ہے۔ اس کے علاوہ پانچ سرکاری اسکولوں میں تعمیرِ نو اور مرمت کا کام بھی شروع کردیا گیا ہے۔

تاہم خطرناک عمارتوں کی نشاندہی اور سروے کا عمل محض ایک انتظامی کارروائی یا ایک مرتبہ کی سرگرمی بن کر نہیں رہنا چاہیے۔ حکام کو یقینی بنانا ہوگا کہ معائنے جامع، تکنیکی اعتبار سے مستند اور ماہر اسٹرکچرل انجینئرز کے ذریعے کرائے جائیں۔ نجی اسکولوں کی جانب سے جمع کرائے گئے آرکیٹیکٹس کے سرٹیفکیٹس کو من و عن قبول کرنے کے بجائے ان کی آزادانہ طور پر تصدیق کی جائے۔ عمارتوں کے مقررہ ضوابط کی خلاف ورزی کرنے والے کسی بھی تعلیمی ادارے کا احتساب کیا جانا چاہیے۔

مزید برآں تمام صوبائی حکومتوں کو چاہیے کہ وہ سرکاری اور نجی، دونوں طرح کے تعلیمی اداروں کے لیے باقاعدہ معائنے اور نگرانی کا نظام قائم کریں۔ اسکولوں کے لیے مقررہ وقفوں سے عمارتوں کی ساختیاتی سلامتی کے سرٹیفکیٹس حاصل کرنا لازمی قرار دیا جائے جبکہ غیر محفوظ عمارتوں میں قائم تعلیمی اداروں کو طلبہ اور عملے کی زندگیوں کو غیر ضروری خطرات سے دوچار کرنے کی اجازت نہ دی جائے۔ مجوزہ اسکول مینجمنٹ کونسلز اور داخلی آڈٹ کمیٹیاں بھی شفافیت اور بروقت مرمت و دیکھ بھال یقینی بنانے میں مثبت کردار ادا کرسکتی ہیں، بشرطیکہ انہیں مناسب اختیارات دیے جائیں اور ان کا بھی احتساب کیا جائے۔

آخرکار تعلیم کا مقصد صرف کلاس رومز، درسی کتب اور قابل اساتذہ کی فراہمی نہیں بلکہ طلبہ کو ایسا محفوظ ماحول فراہم کرنا بھی ہے جہاں وہ بلا خوف و خطر تعلیم حاصل کرسکیں۔ راولپنڈی انتظامیہ کا یہ اقدام ملک کے دیگر اضلاع کے لیے بھی قابلِ تقلید ہونا چاہیے۔ بچوں کو ایسے سانحات سے محفوظ رکھنا جن سے بچاؤ ممکن ہے، قومی ترجیح ہونی چاہیے، نہ کہ ایسا معاملہ جس پر صرف کبھی کبھار توجہ دی جائے۔

کاپی رائٹ بزنس ریکارڈر 2026

Comments

200 حروف