لندن پولیس چیلسی اور ٹوٹنہم کے میچ میں چہرہ شناخت کرنے والی جدید ٹیکنالوجی استعمال کرے گی

لندن کی میٹروپولیٹن پولیس ہفتے کو چیلسی اور ٹوٹنہم ہاٹسپر کے درمیان انگلش پریمیئر لیگ کے میچ کے دوران سکیورٹی انتظامات کے تحت لائیو فیشل ریکگنیشن ٹیکنالوجی استعمال کرے گی۔

چیلسی سپورٹرز ٹرسٹ (سی ایس ٹی) نے سوشل میڈیا پلیٹ فارم ایکس پر بتایا کہ پولیس نے اسے اس منصوبے سے آگاہ کیا ہے۔ حکام نے میچ کو ’’ہائی رسک‘‘ قرار دیا ہے۔

سی ایس ٹی کے مطابق پولیس میچ سے قبل مخصوص وقت کے دوران ارلز کورٹ اور ویسٹ برومپٹن کے علاقوں میں دو وینز تعینات کرے گی۔ ان میں ایسے افراد کی فہرست ہوگی جن پر فٹ بال میچوں میں شرکت کی پابندی عائد ہے، جبکہ سنگین جرائم میں مطلوب افراد، لاپتا افراد اور عدالتوں کی جانب سے جاری وارنٹس کے تحت تلاش کیے جانے والے افراد کی شناخت بھی کی جائے گی۔

رائٹرز نے تبصرے کے لیے چیلسی اور میٹروپولیٹن پولیس سے رابطہ کیا ہے۔