البرٹا کے عوام کا کینیڈا کے ساتھ رہنے کے حق میں فیصلہ، سی بی سی نیوز

سی بی سی نیوز نے پیر کی شب بتایا کہ کینیڈا کے صوبے البرٹا کے رہائشیوں نے صوبے کی تاریخ میں پہلی بار علیحدگی سے متعلق ہونے والے ریفرنڈم میں کینیڈا کا حصہ رہنے کے حق میں ووٹ دیا۔ یہ وزیراعظم مارک کارنی کے لیے ایک اہم کامیابی ہے، جو امریکا کے ساتھ جاری تجارتی جنگ کے دوران ملک کو متحد رکھنے کی کوشش کر رہے ہیں۔

یہ ریفرنڈم قانونی طور پر پابند نہیں تھا۔ اس میں رہائشیوں سے پوچھا گیا تھا کہ آیا وہ کینیڈا کا حصہ رہنا چاہتے ہیں یا صوبے کی علیحدگی پر پابند ووٹنگ کے لیے درکار قانونی عمل شروع کرنے کے حق میں ہیں۔

رائے عامہ کے جائزے کرنے والے اداروں اور تجزیہ کاروں نے بارہا علیحدگی کے حامیوں کی کامیابی کے امکان کو مسترد کیا تھا۔ ان کا کہنا تھا کہ اعداد و شمار کے مطابق مغربی صوبے البرٹا کے تقریباً ایک تہائی رہائشی مستقبل میں صوبے کی علیحدگی سے متعلق ریفرنڈم کے انعقاد کی حمایت کرتے ہیں۔