کول پالمر کا چیلسی کے ساتھ 2034ء تک کا نیا معاہدہ طے پا گیا

انگلش پریمیئر لیگ کلب چیلسی نے ہفتے کو اعلان کیا کہ اٹیکنگ مڈفیلڈر کول پامر نے معاہدے میں توسیع پر دستخط کردیے ہیں جس کے تحت وہ 2034ء تک کلب کے ساتھ رہیں گے۔

24 سالہ انگلش انٹرنیشنل کھلاڑی 2023ء میں مانچسٹر سٹی سے چیلسی میں شمولیت کے بعد ٹیم کے اہم رکن بن گئے ہیں۔ انہوں نے تمام مقابلوں میں چیلسی کی جانب سے 138 میچز کھیلتے ہوئے 91 گول کیے ہیں۔

کول پامر چیلسی کی اس ٹیم کا بھی حصہ تھے جس نے کلب ورلڈ کپ اور یوئیفا کانفرنس لیگ کے ٹائٹل جیتے۔

کول پامر نے کہا کہ کلب کے مالکان، اسپورٹس ڈائریکٹرز اور یقیناً منیجر سے بات چیت کے دوران مجھے بہت اعتماد ملا، اس لیے معاہدے میں توسیع پر دستخط کرنا ہی درست فیصلہ تھا۔

انہوں نے مزید کہا کہ کھلاڑیوں سے بات چیت میں بھی یہی محسوس ہوا کہ سب کے عزائم ایک جیسے ہیں۔ مجھے لگتا ہے کہ ہم نے یہاں مسلسل بڑے ٹائٹل جیتتے ہیں۔

چیلسی نے اپنی پہلی ٹیم کے کئی کھلاڑیوں اور ابھرتے ہوئے ٹیلنٹ کے ساتھ طویل مدتی معاہدے کیے ہیں۔

فارورڈ ژاؤ پیڈرو نے حال ہی میں 2034ء تک معاہدے پر دستخط کیے جبکہ ونگر پیڈرو نیٹو نے گزشتہ ماہ چھ سالہ معاہدہ کیا تھا۔

پریمیئر لیگ کی پوائنٹس ٹیبل پر دسویں نمبر پر موجود چیلسی ہفتے کو بورن ماؤتھ کی میزبانی کرے گی۔