سِنر اور گاف آسٹریلین اوپن ون پوائنٹ سلم میں جلوہ گر ہوں گے

دفاعی آسٹریلین اوپن چیمپئن کارلوس الکاراز اگلے سال اے او ون پوائنٹ سلم میں یانک سِنر، کوکو گوف اور نومی اوساکا کے ہمراہ شرکت کریں گے، جہاں عالمی ٹینس کے ممتاز کھلاڑی ایک ملین ڈالر کی انعامی رقم کے لیے شوقیہ کھلاڑیوں کا مقابلہ کریں گے۔

آسٹریلین اوپن کے افتتاحی ہفتے میں ہونے والے اس ناک آؤٹ مقابلے میں ایک پوائنٹ ہی کھلاڑی کی کامیابی یا شکست کا فیصلہ کرے گا، جبکہ ’’راک، پیپر، سیزرز‘‘ کھیل کے ذریعے طے ہوگا کہ سروس کون کرے گا۔

2025 میں آغاز کے بعد مقابلہ شائقین میں مقبول ہوا، جہاں شوقیہ کھلاڑیوں نے کئی تجربہ کار حریفوں کو شکست دی۔ پہلے ایڈیشن کا 60 ہزار آسٹریلوی ڈالر انعام آسٹریلوی پروفیشنل عمر جسیکا نے جیتا تھا۔

اس سال سڈنی کے شوقیہ کھلاڑی جارڈن اسمتھ نے فائنل میں تائیوان کی پروفیشنل جوانا گارلینڈ کو شکست دے کر 10 لاکھ آسٹریلوی ڈالر جیتے۔ اس سے قبل وہ سِنر اور امانڈا انیسیمووا کو بھی شکست دے چکے تھے۔

منتظمین کے مطابق 2027 کے فاتح کو آسٹریلوی چاندی سے تیار کردہ خصوصی اے او ون پوائنٹ سلم ٹرافی دی جائے گی۔ فائنل 13 جنوری کو راڈ لیور ایرینا میں ہوگا جبکہ آسٹریلین اوپن کا مین ڈرا 17 سے 31 جنوری تک جاری رہے گا۔