پاکستان کے زرمبادلہ ذخائر میں 1.9 کروڑ ڈالر اضافہ، 17.12 ارب ڈالر ہوگئے

اسٹیٹ بینک آف پاکستان (ایس بی پی) کے پاس موجود زرمبادلہ ذخائر 28 اگست 2026 کو ختم ہونے والے ہفتے کے دوران 1.9 کروڑ ڈالر اضافے سے 17.12 ارب ڈالر ہوگئے۔

ایس بی پی کی جانب سے جاری ہفتہ وار زرمبادلہ ذخائر کے بیان کے مطابق 28 اگست 2026 تک ملک کے مجموعی مائع زرمبادلہ ذخائر 22.53 ارب ڈالر رہے۔ ان میں کمرشل بینکوں کے پاس موجود خالص زرمبادلہ ذخائر 5.41 ارب ڈالر شامل ہیں۔

مرکزی بینک نے بتایا کہ ’’28 اگست 2026 کو ختم ہونے والے ہفتے کے دوران ایس بی پی کے زرمبادلہ ذخائر 1.9 کروڑ ڈالر اضافے سے 17.1178 ارب ڈالر ہوگئے۔‘‘

گزشتہ ہفتے ایس بی پی نے بتایا تھا کہ 21 اگست 2026 کو ختم ہونے والے ہفتے کے دوران اس کے زرمبادلہ ذخائر 1.7 کروڑ ڈالر اضافے سے 17.10 ارب ڈالر ہوگئے تھے۔